Suryakumad Yadav Injury : बांगलादेश मालिकेपूर्वी गंभीरची डोकेदुखी वाढली; भारताच्या टी-20 कर्णधार सोबत झाला मोठा गेम
Suryakumar Yadav Ruled Out of Duleep Trophy 2024 : भारत आणि बांगलादेश यांच्यातील दोन कसोटी सामन्यांची मालिका या महिन्यापासून सुरू होणार आहे.
Suryakumad Yadav Injury : भारत आणि बांगलादेश यांच्यातील दोन कसोटी सामन्यांची मालिका या महिन्यापासून सुरू होणार आहे. मालिकेतील पहिला सामना 19 सप्टेंबरपासून चेन्नई येथे होणार आहे. सामन्याची तारीख जवळ आली आहे, परंतु बीसीसीआयकडून अद्याप टीम इंडियाची घोषणा करण्यात आलेली नाही.
याआधी दुलीप करंडक स्पर्धा 5 सप्टेंबरपासून होणार आहे. दरम्यान, दुखापतीमुळे सूर्यकुमार यादव दुलीप ट्रॉफीच्या पहिल्या सामन्यातून बाहेर पडल्याची बातमी समोर आली आहे. बुची बाबूला स्पर्धेदरम्यान दुखापत झाली होती आणि सामन्याच्या शेवटच्या डावात तो फलंदाजीला आला नव्हता.
सूर्यकुमार यादव दुलीप ट्रॉफीच्या पहिल्या सामन्यातून बाहेर
टीम इंडियाचा स्टार फलंदाज सूर्यकुमार यादव दुखापतीमुळे 5 सप्टेंबरपासून सुरू होणाऱ्या दुलीप ट्रॉफी सामन्यांच्या पहिल्या फेरीत खेळू शकणार नाही. सूर्याने कोईम्बतूर येथे तामिळनाडू क्रिकेट असोसिएशन विरुद्ध मुंबईसाठी बुची बाबू स्पर्धत खेळला. पण दुखापतीमुळे तो शेवटच्या दिवशी फलंदाजीला येऊ शकला नाही.
सूर्याला 5 ते 8 सप्टेंबर दरम्यान अनंतपूरमध्ये इंडिया सी विरुद्ध इंडिया डी विरुद्ध खेळायचे आहे. याआधी तो बेंगळुरू येथील राष्ट्रीय क्रिकेट अकादमीत जाणार आहे. भारत अ आणि भारत ब यांच्यातील सामना बेंगळुरूच्या एम चिन्नास्वामी स्टेडियमवर होणार आहे.
सूर्यकुमार यादवला खेळायची कसोटी क्रिकेट
सूर्यकुमार यादवने अलीकडेच भारताकडून कसोटी क्रिकेट खेळण्याची इच्छा व्यक्त केली होती. आता तो बांगलादेशविरुद्धच्या कसोटी मालिकेत सहभागी होणार का हा प्रश्न आहे. मात्र, या प्रश्नाचे उत्तर निवड समिती संघ जाहीर करेल तेव्हाच मिळेल.
पण कसोटी मालिकेनंतर टीम इंडियाला बांगलादेशविरुद्ध तीन टी-20 आंतरराष्ट्रीय सामनेही खेळायचे आहेत. यामध्ये भारतीय संघाचे कर्णधारपदही सूर्यकुमार यादवकडेच राहणार आहे. 7 ऑक्टोबरपासून टी-20 सामन्यांची मालिका सुरू होणार आहे. तोपर्यंत सूर्यकुमार यादव पूर्णपणे तंदुरुस्त होऊन मैदानावर खेळताना दिसेल, अशी अपेक्षा आहे. जर तो फिट झाला नाही तर कोच गौतम गंभीरची डोकेदुखी वाढू शकते.
तयारीची संधी गमावली
दुलीप ट्रॉफीच्या पहिल्या सामन्यातून बाहेर पडल्यामुळे सूर्यकुमार यादवकडे तयारीची जी एक संधी होती ती नक्कीच गमावली आहे. असो, भारतीय खेळाडू सध्या विश्रांतीवर आहेत. मात्र, देशांतर्गत स्पर्धांमध्ये ते नक्कीच हात आजमावत आहेत. जवळपास महिनाभराच्या विश्रांतीनंतर ही मालिका 19 सप्टेंबरपासून सुरू होईल.
हे ही वाचा -
महत्त्वाच्या बातम्या
