मोहम्मद नबीची झुंज, अफगाणिस्तानची 158 धावांपर्यंत मजल, अक्षर पटेलचा प्रभावी मारा
IND vs AFG Live Updates: मोहाली येथील पहिल्या टी 20 सामन्यात अफगाणिस्तान संघाने (IND vs AFG) निर्धारित 20 षटकात 5 विकेट्सच्या मोबदल्यात 158 धावांपर्यंत मजल मारली.
IND vs AFG Live Updates: मोहाली येथील पहिल्या टी 20 सामन्यात अफगाणिस्तान संघाने (IND vs AFG) निर्धारित 20 षटकात 5 विकेट्सच्या मोबदल्यात 158 धावांपर्यंत मजल मारली. अफगाणिस्तानकडून मोहम्मद नबी याने विस्फोटक फलंदाजी केली. नबीने 27 चेंडूत 42 धावांची खेळी केली. नजीबुल्लाह जादरान याने अखेरीस फिनिशिंग टच दिला. भारताकडून मुकेश कुमार आणि अक्षर पटेल यांनी प्रत्येकी दोन दोन विकेट घेतल्या. भारताला विजयासाठी 159 धावांचे आव्हान मिळाले आहे.
भारताचा कर्णधार रोहित शर्माने नाणेफेक जिंकून प्रथम गोलंदाजी करण्याचा निर्णय घेतला. मोहालीच्या मैदानात अफगाणिस्तान संघाने संयमी सुरुवात केली. इब्राहिम जादरान आणि रहमानुल्लाह गुरबाज यांनी 50 धावांची सलामी दिली. कर्णधार जादरान याने 22 चेंडूत 25 धावांचे योगदान दिले. यामध्ये एक षटकार आणि दोन चौकारांचा समावेश आहे. तर गुरबाज याने 28 चेंडूत दोन चौकार आणि एका षटकाराच्या मदतीने 23 धावांची खेळी केली. अजमतुल्लाह उमरजई याने तिसऱ्या क्रमांकावर संयमी आणि महत्वाची खेळी केली. पण रहमत शाह बाद झाल्यामुळे अफगाणिस्तानची धावगती मंदावली होती. रहमत शाह याला फक्त तीन धावाच करता आल्या.
अफगाणिस्तानचा फिनिशिंग टच -
झटपट तीन विकेट गेल्यानंतर अनुभवी मोहम्मद नबी याने अजमतुल्लाह उमरजई याच्या साथीने डाव सावरला. दोघांनी चौथ्या विकेटसाठी 43 चेंडूत 68 धावांची भागिदारी केली. अफगाणिस्तानचा संघ मोठी धावसंख्या उभारणार असे वाटत असतानाच मुकेश कुमार याने जोडी फोडली. अजमतुल्लाह उमरजई याला 29 धावांवर तंबूत पाठवले. तर मोहम्मद नबी यालाही 42 धावांवर बाद केले. अजमतुल्लाह उमरजई याने 22 चेंडूत एक षटकार आणि 2 चौकारांच्या मदतीने 29 धावा केल्या. तर नबी याने 27 चेंडूत झटपट 42 धावा केल्या. यामध्ये तीन षटकार आणि दोन चैकारांचा समावेश होता. अखेरच्या दोन षटकांमध्ये नजीबुल्लाह जादरान याने झटपट धावा केल्या. त्याने चार चौकारांच्या मदतीने 19 धावांचे योगदान दिले. करीम जनत यानेही दोन चौकारांच्या मदतीने 9 धावा केल्या.
भारताची गोलंदाजी -
भारताकडून मुकेश कुमार आणि अक्षर पटेल यांनी प्रत्येकी दोन दोन विकेट घेतल्या. शिवम दुबे याला एक विकेट मिळाली. रवि बिश्नोई, वॉशिंगटन सुंदर आणि अर्शदीप सिंह यांची विकेटची पाटी कोरीच राहिली.
पहिल्या टी 20 सामन्यासाठी भारताची प्लेईंग 11 -
रोहित शर्मा (कर्णधार), शुभमन गिल, तिलक वर्मा, शिव दुबे, जितेश शर्मा (विकेटकिपर), रिंकू सिंह, अक्षर पटेल, वॉशिंगटन सुंदर, रवि बिश्नोई, अर्शदीप सिंह, मुकेश कुमार
इब्राहिम जादरान (कर्णधार), रहमानुल्लाह गुरबाज (विकेटकीपर), रहमत शाह,अजमतुल्लाह उमरजई,मोहम्मद नबी,नजीबुल्लाह जादरान, करीम जनत,गुलबदीन नायब , फजलहक फारूकी,नवीन-उल-हक,मुजीब-उर-रहमान,
महत्त्वाच्या बातम्या
