IND vs SL Test : भारत विरुद्ध श्रीलंका कसोटी सामन्यामध्ये भारताने नाणेफेक जिंकून प्रथम फलंदाजी करण्याचा निर्णय घेतला आहे. टीम इंडिया आणि श्रीलंका यांच्यातील दोन कसोटी सामन्यांच्या मालिकेतील पहिला सामना मोहालीत खेळला जात आहे. भारतीय कर्णधार रोहित शर्माने नाणेफेक जिंकून प्रथम फलंदाजी करण्याचा निर्णय घेतला. भारताचा माजी कर्णधार विराट कोहलीच्या कारकिर्दीतील ही 100वी कसोटी आहे. तर रोहित शर्मासाठीही हा सामना फार महत्त्वाचा मानला जात आहे.

श्रीलंकेचा संघ पाच वर्षानंतर भारत दौऱ्यावर कसोटी मालिका खेळत आहे. शेवटच्या वेळी 2017 मध्ये श्रीलंकेने भारतीय भूमीवर तीन कसोटी सामन्यांची मालिका 0-1 ने गमावली होती. क्रिकेटच्या इतिहासात श्रीलंकेच्या संघाने भारतीय भूमीवर एकही कसोटी जिंकलेली नाही. त्याने आतापर्यंत 20 कसोटी सामने खेळले आहेत. त्यापैकी 11 सामने तो पराभूत झाला आहे, तर 9 कसोटी अनिर्णित राहिल्या आहेत.

मोहालीमध्ये शुक्रवारपासून सुरू होणारा कसोटी सामना विराट कोहली (Virat Kohli) आणि रोहित शर्मा (Rohit Sharma) यांच्यासाठी खूप खास असेल. भारत आणि श्रीलंका यांच्यात होणारा हा सामना कोहलीच्या कारकिर्दीतील 100 वा कसोटी सामना (Virat Kohli's 100 th Test Match) असेल. दुसरीकडे, रोहित शर्मा हा सामना जिंकून भारताचा 35 वा कसोटी कर्णधार म्हणून धमाकेदार कामगिरी करण्याची अपेक्षा आहे.

भारताने 1932 मध्ये कसोटी (Test Cricket) क्रिकेटमध्ये पदार्पण केल्यापासून, अनेक खेळाडू आहेत ज्यांच्या विशिष्ट कामगिरीने गाजल्या आहेत. सुनील गावस्कर यांच्या 10,000 धावा असो किंवा सचिन तेंडुलकरला भावनिक निरोप असो. आता सर्वांच्या नजरा विराट कोहलीवर लागल्या आहेत. विराटचा 100वा कसोटी सामना सध्या चर्चेचा विषय आहे. या 100व्या कसोटी सामन्यात शतक ठोकण्याचा अंदाज बांधला जात आहे.

कोहलीला सुरंगा लखमल, लाहिरू कुमारा किंवा लसिथ एम्बुल्डेनियासारख्या गोलंदाजांसह श्रीलंकेच्या आक्रमणाचा सामना करण्यास काही त्रास होईल असे वाटत नाही. कोहलीला त्याच्या कव्हर ड्राईव्ह, ऑन ड्राईव्ह, फ्लिक्स आणि पुल्सने त्याच्या चाहत्यांना मोहित करायला नक्कीच आवडेल.

या कसोटी सामन्याने रोहितच्या नेतृत्वाखाली भारतीय संघाचाही नवा प्रवास सुरू होईल. मर्यादित षटकांच्या आव्हानामध्ये रोहित शर्माच्या यशाबद्दल सर्वांनाच माहिती आहे, विशेषत: इंडियन प्रीमियर लीगमध्ये (IPL) जिथे तो महेंद्रसिंग धोनीसारख्या खेळाडूंना आव्हान देत आहे.

16:22 PM (IST) • 06 Mar 2022

IND vs SL : भारता मोठा विजय

भारताने एक डाव आणि 222 धावांनी सामना जिंकत दोन सामन्यांच्या कसोटी मालिकेत 1-0 ची आघाडी घेतली आहे.

15:57 PM (IST) • 06 Mar 2022

IND vs SL: भारत विजयाच्या जवळ, एक विकेटची गरज

भारतीय खेळाडू अप्रतिम कामगिरी करत विजयाच्या अगदी जवळ पोहोचले आहेत. विजयासाठी भारताला एका विकेटची गरज आहे.

12:01 PM (IST) • 06 Mar 2022

श्रीलंकेचा पहिला डाव 174 धावांवर गुंडाळला, जडेजाने घेतल्या पाच विकेट

मोहालीत भारत आणि श्रीलंका (India vs Sri Lanka) यांच्यात पहिला कसोटी सामना सुरु आहे. आज या कसोटी सामन्याचा तिसरा दिवस सुरु आहे. या पहिल्या सामन्यात भारतीय संघ मजबूत स्थितीत आहे. कारण, श्रीलंकेचा पहिला डाव अवघ्या 174 धावांवर आटोपला आहे. भारताकडून रविंद्र जडेजाने 41 धावात 5 बळी घेतले आहेत. त्यामुळे भारताकडे या पहिल्या कसोटी सामन्यात मोठी आघाडी झाली आहे. दरम्यान भारताने श्रीलंकेला फॉलोऑन दिला आहे. पहिला डाव भारताने 574 धावांवर घोषीत केला होता.

17:05 PM (IST) • 05 Mar 2022

IND vs SL LIVE Update : दुसऱ्या दिवशीचा खेळ आटोपला, भारताकडे 466 धावांची आघाडी

दुसऱ्या दिवशी भारताने अप्रतिम खेळ करत दिवसअखेर श्रीलंकेचे 4 गडी तंबूत धाडले आहेत. श्रीलंकेने 108 धावा केल्या असल्याने भारताकडे सध्या 466 धावांची आघाडी आहे.

16:42 PM (IST) • 05 Mar 2022

IND vs SL LIVE Update : श्रीलंकेला तिसरा धक्का, बुमराहनं घेतली विकेट

जसप्रीत बुमराहने अॅन्जोलो मॅथ्यूजला 22 धावांवर बाद करत भारताला तिसरं यश मिळवून दिलं आहे.

Tags :

Team India Virat Kohli Rohit Sharma Bcci Test Cricket IND Vs SL 1st Test India Vs Srilanka Ind Vs Sl Live Update

मराठीतील सर्व ताज्या बातम्या सर्वात आधी वाचा एबीपी माझावर. राजकारणपासून कोरोनापर्यंत आणि क्रीडापासून ते बॉलिवूडपर्यंतच्या सर्व अपडेट्स वाचण्यासाठी मराठीतील विश्वसनीय वेबसाईट म्हणजे एबीपी माझा. मराठीतील सर्व बातम्या वाचण्यासाठी लगेच फॉलो करा

New Update