ICC Women's World Cup 2025 : एक सामना अन् खेळ खल्लास... पाकिस्तान तळाला, टीम इंडिया कुठे?, Points Table रंजक वळणावर!
आयसीसी महिला वनडे विश्वचषक 2025 (ICC Women's World Cup) मधील लीग टप्प्यातील 11वा सामना गुवाहाटीच्या मैदानावर न्यूझीलंड आणि बांगलादेश महिला संघांमध्ये खेळला गेला.
ICC Womens World Cup 2025 Points Table Update : आयसीसी महिला वनडे विश्वचषक 2025 (ICC Women's World Cup) मधील लीग टप्प्यातील 11वा सामना गुवाहाटीच्या मैदानावर न्यूझीलंड आणि बांगलादेश महिला (New Zealand Women vs Bangladesh Women) संघांमध्ये खेळला गेला. या सामन्यात न्यूझीलंडच्या महिला संघाने (New Zealand Women won by 100 runs) 100 धावांनी मोठा विजय मिळवत गुणतालिकेत आपले खाते उघडले. याआधी किवी महिला संघाने दोन सामने खेळले होते, मात्र दोन्हींत त्यांना पराभवाचा सामना करावा लागला होता. बांगलादेशविरुद्ध झालेल्या या सामन्यात न्यूझीलंडने प्रथम फलंदाजी करत 50 षटकांत 9 गडी गमावून 227 धावा केल्या. प्रत्युत्तरात बांग्लादेश महिला संघ 39.5 षटकांत केवळ 127 धावांत गारद झाला.
महिला एकदिवसीय विश्वचषकात न्यूझीलंडच्या विजयानंतर, ऑस्ट्रेलियन महिला संघ 3 सामन्यांतून 5 गुणांसह पॉइंट टेबलमध्ये पहिल्या स्थानावर आहे. दोन विजय आणि एका पराभवानंतर टीम इंडिया 4 गुणांसह तिसऱ्या स्थानावर आहे, ज्याचा नेट रन रेट 0.953 आहे. इंग्लंड महिला दुसऱ्या स्थानावर आहेत, ज्याचेही 4 गुण आहेत, परंतु त्यांचा नेट रन रेट 1.757 आहे. पॉइंट टेबलमध्ये दक्षिण आफ्रिकेचा महिला संघ चौथ्या स्थानावर आहे, ज्याने तीनपैकी दोन सामने जिंकले आहेत आणि त्यांचे 4 गुण आहेत, ज्याचा नेट रन रेट -0.888 आहे. न्यूझीलंड महिला संघ तीन सामन्यांतून एका विजयासह -0.245 आहे आणि त्यांच्या नेट रन रेटने पाचव्या स्थानावर पोहोचला आहे.
बांगलादेश सहाव्या स्थानावर घसरला, तर पाकिस्तान गुणतालिकेत तळाशी
महिला एकदिवसीय विश्वचषक 2025 मध्ये आतापर्यंत 11 सामन्यांनंतर, फक्त पाकिस्तानी महिला संघाला आपले खाते उघडता आलेले नाही. पाकिस्तानी संघाने तीन सामने खेळले आहेत आणि तिन्ही सामन्यांमध्ये एकतर्फी पराभव पत्करावा लागला आहे, ज्यामुळे ते गुणतालिकेत तळाशी आहेत. दरम्यान, तीन सामन्यांमध्ये दोन पराभवांनंतर बांगलादेश आता सहाव्या स्थानावर घसरला आहे, ज्याचा नेट रन रेट -0.357 आहे. श्रीलंकेचा महिला संघ एका गुणासह सातव्या स्थानावर आहे.
पाकिस्तानसमोर अवघड समीकरण (Pakistan Semifinal Scenario ICC Womens World Cup 2025)
महिला विश्वचषक 2025 मध्ये फातिमा सना हिच्या नेतृत्वाखालील पाकिस्तान महिला संघाचे प्रदर्शन आतापर्यंत निराशाजनक राहिले आहे. सेमीफायनलमध्ये पोहोचण्यासाठी पाकिस्तानला आता उरलेले सर्व चारही सामने जिंकणे अत्यावश्यक आहे. आता पाकिस्तानचा एक तरी सामन्यात पराभव झाला, तर ते बाहेर जाऊ शकतात. पुढील सामने इंग्लंड, न्यूझीलंड, दक्षिण आफ्रिका आणि श्रीलंका या संघांविरुद्ध होणार आहेत. एवढेच नव्हे, तर पाकिस्तानला हेही अपेक्षित राहील की लीग टप्प्यात तीनपेक्षा जास्त संघ चारपेक्षा जास्त सामने जिंकू नयेत. सध्या भारत, इंग्लंड आणि ऑस्ट्रेलिया या तिन्ही संघांनी प्रत्येकी दोन सामने जिंकले आहेत.
हे ही वाचा -
महत्त्वाच्या बातम्या
