एक्स्प्लोर

ICC Champions Trophy : चॅम्पियन्स ट्रॉफीचा थरार 19 दिवस रंगणार, सामन्यांचे वेळापत्रक जाहीर; भारत आणि पाकिस्तान 'या' दिवशी भिडणार

ICC Champions Trophy Ind Vs Pak Date : या स्पर्धेचं यजमानपद हे पाकिस्तानकडे आहे. मात्र भारत आणि पाकिस्तानचे सामने हे दुबईमध्ये खेळवण्यात येणार आहेत.

By : एबीपी माझा ब्युरो | Edited By: अभिजीत जाधव | Updated at : 24 Dec 2024 06:09 PM (IST)

ICC Men s Champions Trophy 2025 schedule India vs Pakistan match Date Time know details cricket marathi news ICC Champions Trophy : चॅम्पियन्स ट्रॉफीचा थरार 19 दिवस रंगणार, सामन्यांचे वेळापत्रक जाहीर; भारत आणि पाकिस्तान 'या' दिवशी भिडणार

ICC Champions Trophy Ind Vs Pak Date

Source : PTI

मुंबई : आयसीसी चॅम्पियन्स ट्रॉफी 2025 सालचे वेळापत्रक जाहीर झालं असून भारत आणि पाकिस्तानच्या महामुकाबल्याची तारीख समोर आली आहे. कट्टर प्रतिस्पर्धी असलेले भारत आणि पाकिस्तान 23 फेब्रुवारीला एकमेकांना भिडणार आहेत. आयसीसी चॅम्पियन्स ट्रॉफी ही 19 फेब्रुवारी रोजी सुरू होणार असून 9 मार्च रोजी त्याचा अंतिम सामना खेळवण्यात येणार आहे. या स्पर्धेचं यजमानपद हे पाकिस्तानकडे आहे. पण भारत आणि पाकिस्तानचे सामने, तसेच भारताचे सर्व सामने हे हे यूएईमधील दुबई शहरात आयोजित करण्यात येणार आहेत.

चॅम्पियन्स ट्रॉफी 2025 मध्ये भारताचे सामने आयोजित करण्यासाठी संयुक्त अरब अमिराती (UAE) च्या दुबई शहराची तटस्थ ठिकाण म्हणून निवड करण्यात आली आहे. या स्पर्धेतील पहिला सामना 19 फेब्रुवारी रोजी यजमान पाकिस्तान आणि न्यूझीलंड यांच्यात कराची येथे होणार आहे. अंतिम सामना 9 मार्च रोजी लाहोरमध्ये होणार आहे. टीम इंडियाचा पहिला सामना 20 फेब्रुवारीला बांगलादेशशी होणार आहे. जर टीम इंडिया बाद फेरीसाठी पात्र ठरली तर उपांत्य फेरी आणि अंतिम फेरीचे सामनेही दुबईतच होतील.