Team India WTC 2025 : बंगळुरू-पुणे कसोटीत माती खाल्ल्यानंतरही टीम इंडिया जाणार WTC फायनलमध्ये? करावी लागणार 'हे' काम, जाणून घ्या समीकरण
How Can India Qualify For WTC 2025 Final : भारतीय संघ वर्ल्ड टेस्ट चॅम्पियनशिपच्या अंतिम फेरीत सहज प्रवेश करेल असे वाटत होते, परंतु अचानक त्याचे समीकरण बदलले आहे.
Team India World Test Championship 2025 Final Qualification Scenario : भारतीय संघ वर्ल्ड टेस्ट चॅम्पियनशिपच्या अंतिम फेरीत सहज प्रवेश करेल असे वाटत होते, परंतु अचानक त्याचे समीकरण बदलले आहे. आता टीम इंडियावर WTC फायनलच्या शर्यतीतून बाहेर पडण्याचा धोका आहे. याचे कारण आहे न्यूझीलंड. पाहुण्या संघाला 3-0 किंवा 2-1 ने पराभूत करून भारत आपले स्थान सहज पक्के करेल, अशी चाहत्यांना आशा होती. पण न्यूझीलंडने 3 सामन्यांच्या कसोटी मालिकेत 2-0 अशी आघाडी घेतली आहे. भारतीय संघाला आधी बंगळुरू आणि नंतर पुण्यात पराभवाला सामोरे जावे लागले. आता डब्ल्यूटीसी फायनलसाठीही खूप मेहनत घ्यावी लागणार आहे. पुणे कसोटीनंतर WTC च्या समीकरणात काय बदल झाले ते जाणून घेऊया....
The #WTC25 race is on after New Zealand, Pakistan achieve big wins in their respective Tests.
— ICC (@ICC) October 26, 2024
Full table ➡️ https://t.co/Q822q1TYKB pic.twitter.com/LhEywM1ztd
पुणे कसोटीतील पराभवाचा काय होणार परिणाम?
रोहित शर्माच्या नेतृत्वाखालील टीम इंडिया पुणे कसोटीपूर्वी 68.06 टक्के गुणांसह WTC गुणतालिकेत अव्वल स्थानावर होती. तर ऑस्ट्रेलियाचा संघ 61.50 टक्के गुणांसह दुसऱ्या स्थानावर आहे. याशिवाय 55.56 टक्के गुणांसह श्रीलंका तिसऱ्या, दक्षिण आफ्रिका 47.62 टक्के गुणांसह चौथ्या क्रमांकावर आणि न्यूझीलंड 44.44 टक्के गुणांसह पाचव्या स्थानावर आहे.
पुण्यातील पराभवानंतर टीम इंडियाची गुणांची टक्केवारी 62.82 वर आली आहे. तथापि, स्थानावर कोणताही परिणाम झाला नाही, कारण पराभवानंतरही रोहित शर्माचा संघ 0.32 टक्के गुणांच्या थोड्या फरकाने पुढे आहे. या विजयाचा फायदा न्यूझीलंड संघाला झाला आहे. तिने 50 टक्के गुण मिळवले असून दक्षिण आफ्रिकेला मागे टाकून ती चौथ्या स्थानावर आली आहे.
A tough loss for #TeamIndia in Pune.
— BCCI (@BCCI) October 26, 2024
Scorecard ▶️ https://t.co/YVjSnKCtlI #INDvNZ | @IDFCFIRSTBank pic.twitter.com/PlU9iJpGih
टीम इंडिया WTC फायनलमधून जाणार बाहेर ?
पुणे कसोटीतील पराभवानंतर भारतीय संघ WTC फायनलच्या शर्यतीतून बाहेर पडणार का, हा सर्वात मोठा प्रश्न आहे. सध्या टीम इंडिया नॉटआऊट असली तरी तिच्यावर आऊट होण्याचा धोका नक्कीच आहे. या सायकलमध्ये भारतीय संघाचे आता 6 सामने बाकी आहेत. कोणत्याही संघावर विसंबून न राहता अंतिम फेरी गाठायची असेल तर किमान 4 जिंकावे लागतील. पण हे होणे अवघड आहे, कारण एक सामना फॉर्मात असलेल्या न्यूझीलंडविरुद्ध आहे आणि 5 सामने ऑस्ट्रेलियाविरुद्ध मायदेशात आहेत.
गुणतालिकेत तिसऱ्या क्रमांकावर असलेल्या श्रीलंकेचे 4 सामने बाकी आहेत, त्यापैकी 3 सामने जिंकणे आवश्यक आहे. यामध्ये ऑस्ट्रेलियाविरुद्ध मायदेशात 2 सामने खेळायचे आहेत, तर उर्वरित 2 सामने दक्षिण आफ्रिकेविरुद्ध घरच्या मैदानावर खेळायचे आहेत. याशिवाय चौथ्या क्रमांकावर असलेल्या न्यूझीलंडचे आता या सायकलमध्ये 4 सामने आहेत, त्यापैकी एक सामना भारताविरुद्ध मुंबईत खेळायचा आहे. घरच्या मैदानावर इंग्लंडविरुद्ध 3 सामने खेळायचे आहेत. थेट फायनलमध्ये जाण्यासाठी न्यूझीलंडला हे सर्व सामने जिंकावे लागतील. दक्षिण आफ्रिकेला उर्वरित 5 पैकी 4 सामने जिंकायचे आहेत. यापैकी त्याला त्याच्या घरी बांगलादेशविरुद्ध 1 आणि श्रीलंका आणि पाकिस्तानविरुद्ध प्रत्येकी 2 सामने त्याच्या घरी खेळायचे आहेत.
हे ही वाचा -
महत्त्वाच्या बातम्या
