ENG Vs IND 3rd ODI: जसप्रीत बुमराहला विश्रांती, मोहम्मद सिराजची एन्ट्री; पाहा दोन्ही संघाची प्लेईंग इलेव्हन

ENG Vs IND 3rd ODI: मॅंचेस्टरच्या (Manchester) ओल्ड ट्रॅफर्ड (Emirates Old Trafford) येथे खेळल्या जाणाऱ्या तिसऱ्या एकदिवसीय सामन्यात भारतानं नाणेफेक जिंकून प्रथम गोलंदाजी करण्याचा निर्णय घेतला आहे.

Team India (Photo Credit: BCCI)

ENG Vs IND 3rd ODI: मॅंचेस्टरच्या (Manchester) ओल्ड ट्रॅफर्ड (Emirates Old Trafford) येथे खेळल्या जाणाऱ्या तिसऱ्या एकदिवसीय सामन्यात भारतानं नाणेफेक जिंकून प्रथम गोलंदाजी करण्याचा निर्णय घेतला आहे. या मालिकेतील पहिला एकदिवसीय सामना भारतानं तर, दुसऱ्या एकदिवसीय सामन्यात इंग्लंडनं बाजी मारली. दरम्यान, तीन सामन्यांच्या एकदिवसीय मालिकेतील अखेरचा सामना जिंकून भारताचा मालिका खिशात घालण्याचा प्रयत्न असेल. तर, या सामन्यात भारताला नमवून टी-20 मालिकेतील पराभवाचा बदला घेण्यासाठी इंग्लंडचा संघ मैदानात उतरेल. 

इंग्लंडविरुद्ध तिसऱ्या एकदिवसीय सामन्यात भारतानं संघात एक मोठा बदल केला आहे. भारताचा वेगवान गोलंदाज जसप्रीत बुमराहला विश्रांती देण्यात आली असून त्याच्याजागी मोहम्मद सिराजला प्लेईंग इलेव्हनमध्ये जागा देण्यात आली आहे. दुसरीकडं इंग्लंडच्या संघात कोणताही बदल करण्यात आला नाही. 

भारत- इंग्लंड यांच्यातील लाईव्ह सामना कधी, कुठे पाहणार?
भारत आणि इंग्लंड यांच्यात आज (17 जुलै 2022)  मँचेस्टरच्या ओल्ड ट्रेफर्ड मैदानावर अखेरचा एकदिवसीय सामना खेळवला जाणार आहे. भारतीय वेळेनुसार दुपारी 3 वाजून 30 मिनिटांनी सामना सुरु होईल. तर, दुपारी 3.00 वाजता नाणेफेक होईल.  भारत आणि इंग्लंड यांच्यातील सामना सोनी स्पोर्ट नेटवर्कच्या चॅनेल्सवर पाहता येणार आहे. विविध भाषेतून सामन्याचा आनंद घेता येईल. तसेच सोनी लिव्ह अॅपवरही सामना पाहता येईल. 

भारतीय संघ:
रोहित शर्मा (कर्णधार), शिखर धवन, विराट कोहली, सूर्यकुमार यादव, ऋषभ पंत (विकेटकिपर), हार्दिक पंड्या, रवींद्र जडेजा, मोहम्मद शमी, प्रसिद्ध कृष्णा, युझवेंद्र चहल, मोहम्मद सिराज.

इंग्लंडचा संघ:
जोस बटलर (कर्णधार आणि विकेटकिपर), जॉनी बेअरस्टो, जेसन रॉय, जो रूट, बेन स्टोक्स, लियाम लिव्हिंगस्टोन, मोईन अली, डेव्हिड विली, ब्रायडन कार्स, रीस टॉपली, क्रेग ओव्हरटन.

हे देखील वाचा-