C D Gopinath News : ब्रिटीशांना पहिल्यांदा धूळ चारणाऱ्या त्या ऐतिहासिक प्लेइंग-11चा 'द लास्ट मॅन स्टँडिंग' अनंतात विलीन; सी.डी. गोपीनाथ यांचे 96 व्या वर्षी निधन
C D Gopinath Passes Away at 96 : पूर्व भारतीय क्रिकेटपटू सी.डी. गोपीनाथ (C. D. Gopinath) यांचे वयाच्या 96व्या वर्षी निधन झाले.
C D Gopinath Passes Away at 96 : पूर्व भारतीय क्रिकेटपटू सी.डी. गोपीनाथ (C. D. Gopinath) यांचे वयाच्या 96व्या वर्षी निधन झाले. ते 1952 साली भारताने इंग्लंडविरुद्ध मिळवलेल्या पहिल्या कसोटी विजयातील अखेरचे जिवंत सदस्य होते. क्रिकेटपटू म्हणून कारकीर्द पूर्ण केल्यानंतर त्यांनी निवड समिती सदस्य आणि संघ व्यवस्थापक म्हणूनही भारतीय संघाची सेवा केली. चेन्नईतील अड्यार येथे त्यांच्या मुलीच्या घरी त्यांचे निधन झाले.
सी.डी. गोपीनाथ यांनी 1951-52 मध्ये इंग्लंडविरुद्धच्या आपल्या पदार्पण कसोटीत 50* आणि 42 धावा करत शानदार सुरुवात केली होती. त्यांनी 1960 मध्ये आपला शेवटचा आंतरराष्ट्रीय सामना खेळला. 9 वर्षांच्या कारकीर्दीत त्यांनी 8 कसोटी सामने खेळून 242 धावा केल्या आणि 1 बळी घेतला. याशिवाय त्यांनी 83 प्रथम श्रेणी सामन्यांत 4259 धावा केल्या, ज्यात 9 शतके आणि 23 अर्धशतकांचा समावेश आहे. प्रथम श्रेणी क्रिकेटमध्ये त्यांच्या नावावर 14 बळीही आहेत.
चेन्नईत इंग्लंडविरुद्ध भारताने मिळवलेल्या ऐतिहासिक विजयात त्यांचा मोलाचा वाटा होता. त्यांनी त्या सामन्यात 35 धावा केल्या आणि विनू मांकड यांच्या गोलंदाजीवर ब्रायन स्टॅथम यांचा महत्त्वाचा झेल पकडला. त्या सामन्यात मांकड यांनी पहिल्या डावात 8 आणि दुसऱ्या डावात 4 बळी घेतले होते.
भारतीय क्रिकेट नियामक मंडळचे अध्यक्ष मिथुन मन्हास यांनी त्यांना श्रद्धांजली वाहिली. त्यांनी म्हटले की, “सी.डी. गोपीनाथ हे त्या काळाचे प्रतिनिधित्व करत होते, जेव्हा भारतीय क्रिकेट आंतरराष्ट्रीय स्तरावर आपली ओळख निर्माण करत होते. त्यांनी केवळ भारतासाठीच नव्हे, तर मद्रासच्या सुरुवातीच्या यशातही महत्त्वाची भूमिका बजावली. निवड समितीचे अध्यक्ष आणि संघ व्यवस्थापक म्हणून त्यांचा सातत्याने खेळाशी असलेला संबंध त्यांच्या क्रिकेटप्रेमाचे द्योतक आहे. त्यांच्या निधनाने आम्ही दुःखी आहोत.”
Mr C.D. Gopinath represented an era when Indian cricket was beginning to establish itself on the international stage. Not only did he contribute for India, but he also played a key role in Madras’ early successes. His continued association with the game as chairman of the… pic.twitter.com/NevLKHAKv8
— MithunManhas5 (@MithunManhas) April 9, 2026
तमिळनाडू क्रिकेट संघटनानेही शोक व्यक्त करत म्हटले, “सी.डी. गोपीनाथ, भारतीय क्रिकेटचे खरे अग्रदूत आणि भारताच्या पहिल्या कसोटी विजयाच्या ऐतिहासिक संघातील अखेरचे जिवंत सदस्य – तुमची परंपरा क्रिकेटच्या इतिहासात सदैव जिवंत राहील.”
हे ही वाचा -
महत्त्वाच्या बातम्या
