Shabaash Mithu Trailer : महिला क्रिकेट जगतातील एक आघाडीची क्रिकेटर म्हणजे भारतीय महिला संघाची माजी कर्णधार मिताली राज (Mithali Raj). भारतीय महिला संघासाठी (Team India) तब्बल 23 वर्षे क्रिकेट खेळलेल्या मितालीने  8 जून रोजी सोशल मीडियाद्वारे घोषणा करत आंतरराष्ट्रीय क्रिकेटमधून निवृत्ती घेतली. आता मितालीच्या जीवनावर चित्रपट देखील येत असून 15 जुलै 2022 रोजी हा चित्रपट प्रेक्षकांच्या भेटीस येणार आहे. बॉलिवूड अभिनेत्री तापसी पन्नू (Taapsee Pannu) मितालीच्या भूमिकेत दिसणार असून या सिनेमाचा ट्रेलर नुकताच प्रदर्शित झाला. तर  'शाबास मिथू' (Shabaash Mithu)  या सिनेमाच्या ट्रेलरचं अनेकांनी कौतुक केलं असून महान क्रिकेटर सचिन तेंडुलकर (Sachin Tendulkar), सौरव गांगुली (Saurav Ganguly) यांनीही आपली प्रतिक्रिया दिली आहे. 


सचिन तेंडुलकरने त्याच्या अधिकृत ट्वीटर हँडलवर ट्वीट करत ट्रेलरचं कौतुक केलं आहे. त्याने लिहिलं आहे की, 'ट्रेलर अप्रतिम आहे. मितालीने कोट्यवधींना स्वप्न पाहायची आणि त्याचा पाठलाग करायची प्रेरणा दिली आहे. माझं लक्ष आता हा सिनेमा पाहण्याकडे आहे. संपूर्ण टीमला शुभेच्छा'. दुसरीकडे बीसीसीआय अध्यक्ष सौरव गांगुलीनेही हा ट्रेलर ट्वीटरला शेअर केला आहे.



तापसीनंही शेअर केला ट्रेलर


तापसीनं 'शाबास मिथू' चित्रपटाचा ट्रेलर सोशल मीडियावर शेअर करुन कॅप्शनमध्ये लिहिलं, 'मिताली राज हे नाव तुम्हाला माहित असेल, पण या नावामागची स्टोरी जाणून घेण्यासाठी सज्ज व्हा. या महिलेनं  “The Gentleman’s game” ची नवी व्याख्या तयार केली. तिनं स्वत:ची कथा लिहिली. 15 जुलै 2022 रोजी हा चित्रपट तुमच्या भेटीस येणार आहे.' 'शाबास मिथू' चित्रपटाच्या या ट्रेलरला प्रेक्षकांची पसंती मिळाली आहे. 'शाबास मिथू' चित्रपटाचे दिग्दर्शन सृजित मुखर्जी यांनी केले आहे. या चित्रपटात तापसी पन्नू व्यतिरिक्त अभिनेते विजय राज, अजित अंधारे आणि अभिनेत्री प्रिया अवोन हे देखील मुख्य भूमिकेत दिसणार आहेत. 


हे देखील वाचा-