Arjun Tendulkar : युवराजच्या वडिलांजवळ कोचिंग घेतोय अर्जून तेंडुलकर, चंदीगडमध्ये कसून सराव सुरु
Arjun Tendulkar : महान क्रिकेटर सचिन तेंडुलकरचा मुलगा अर्जून तेंडुलकरला टीम इंडियाकडून दूरच अजून आयपीएल सामना खेळण्याचीही संधी मिळालेली नाही.
Arjun Tendulkar in Chandigarh : मास्टर ब्लास्टर सचिन तेंडुलकरचा मुलगा अर्जून तेंडुलकर (Arjun Tendulkar) हा देखील क्रिकेटपटू असून त्याने अद्यापर्यंत आंतरराष्ट्रीय क्रिकेटमध्ये पदार्पण केलेलं नाही. टीम इंडियाकडून दूरच अर्जूनला अजून आयपीएल सामना खेळण्याचीही संधी मिळालेली नाही. मुंबई इंडियन्स संघाकडून खेळणाऱ्या (Mumbai Indians) अर्जूनला यंदाही आयपीएल पदार्पणाची संधी मिळाली नाही. दरम्यान सध्या अर्जून आपला खेळ सुधारण्यासाठी कसून मेहनत घेत असून तो चंदीगडध्ये युवराज सिंहचे (Yuvraj Singh) वडिल योगराज सिंह (yograj singh) यांच्याकडे कोचिंग घेत आहे.
योगराज सिंह हे स्वत:ही एक माजी क्रिकेटर असून त्यांनी बालपणीपासून युवराज सिंहला क्रिकेटचे धडे गिरवायला लावल्याने युवराज जगातील एक दिग्गज अष्टपैलू क्रिकेटर बनू शकला. युवराजने भारताला 2007 चा टी20 आणि 2011 चा एकदिवसीय विश्वचषक जिंकवून देण्यात मोलाची भूमिका बजावली. आता अर्जूनही योगराज यांच्याकडे क्रिकेटती कोचिंग घेताना दिसत आहे. त्याच्या सोबतचे काही फोटो योगराज सिंह यांनी त्यांच्या अधिकृत इन्स्टाग्रामवर शेअऱ केले आहेत. अर्जून तेंडुलकर मागील दोन वर्षांपासून तो इंडियन प्रीमियर लीगमध्ये मुंबई इंडियन्स संघाचा भाग आहे, परंतु अद्याप त्याला आयपीएलमध्ये पदार्पण करण्याची संधी मिळालेली नाही. 2021 च्या सय्यद मुश्ताक अली ट्रॉफीमध्ये त्यानं मुंबईसाठी दोन सामने खेळले होते.
View this post on Instagram
2021 आयपीएलमध्येही अर्जूनला मिळाली नव्हती संधी
आयपीएल 2021 मध्ये सर्वात आधी मुंबई इंडियन्सने 20 लाखांच्या बेस प्राईसला अर्जूलना संघात घेतलं होतं. पण संपूर्ण हंगामात त्याला एकही सामना खेळायला मिळाला नाही. त्यानंतर यंदा आयपीएल 2022 च्या महालिलावात त्याच्या 20 लाख बेस प्राईसवर गुजरात टायटन्सने 25 लाखांची बोली लावली. ज्यानंतर मुंबईने 30 लाखांची बोली लावत त्याला विकत घेतलं. त्यामुळे अर्जूनला नेमकी कधी संधी मिळणार? याकडे अनेकांचे लक्ष आहे.
View this post on Instagram
महत्वाच्या बातम्या :
महत्त्वाच्या बातम्या
