Anjali Tendulkar: अंजली तेंडुलकरनेही घेतला सरकारी योजनेचा लाभ; विरारमध्ये खरेदी केलं आलिशान घर, किंमत किती?
Anjali Tendulkar Buys Apartment In Virar: भारतीय क्रिकेट संघाचा माजी दिग्गज खेळाडू सचिन तेंडुलकर याची पत्नी अंजली तेंडुलकर हिने मुंबईजवळील विरारमध्ये एक नवीन आलीशान फ्लॅट खरेदी केला आहे.
Anjali Tendulkar Buys Apartment In Virar: भारतीय क्रिकेट संघाचा माजी दिग्गज खेळाडू सचिन तेंडुलकर (Sachin Tendulkar) याची पत्नी अंजली तेंडुलकर (Anjali Tendulkar) हिने मुंबईजवळील विरारमध्ये एक नवीन आलीशान फ्लॅट खरेदी केला आहे. विरारमधील पेनिन्सुला हाइट्स नावाच्या इमारतीत अंजली तेंडुलकरने हा फ्लॅट 32 लाख रुपयांना खरेदी केला असून 391 चौरस फूट आकाराचे हे अपार्टमेंट इमारतीच्या तिसऱ्या मजल्यावर आहे.
नोंदणी आणि खर्च-
30 मे 2025 रोजी हा करार अधिकृतपणे नोंदणीकृत झाला. नोंदणी विभागांनुसार, अंजली तेंडुलकरने या मालमत्तेसाठी 1.92 लाख रुपये स्टॅम्प ड्युटी आणि 30,000 रुपये नोंदणी शुल्क भरले आहे. महिला खरेदीदार असल्याने, अंजली तेंडुलकरला स्टॅम्प ड्युटीवर 1 टक्के सूट देखील मिळाली. महाराष्ट्र सरकार महिलांना मालमत्ता खरेदी करण्यास प्रोत्साहित करण्यासाठी हा लाभ देते. राज्यात स्टॅम्प ड्युटीचा दर सामान्यतः 5 टक्के ते 7 टक्के असतो, जो शहर आणि जिल्ह्यानुसार बदलतो.
विरारमधील मालमत्तेच्या किंमती-
स्थानिक रिअल इस्टेट ब्रोकर्सच्या मते, विरारमधील निवासी मालमत्तेची किंमत प्रति चौरस फूट 6000 ते 9000 रुपयांपर्यंत असते. स्थान, इमारतीच्या सुविधा आणि कनेक्टिव्हिटीनुसार ही किंमत आणखी वाढू शकते. विरार मुंबईच्या उत्तरेकडील भागात येते आणि नवीन मेट्रो कनेक्टिव्हिटी आणि पायाभूत सुविधा प्रकल्पांमुळे येथे गुंतवणूकदारांचा रस सतत वाढत आहे.
तेंडुलकर कुटुंबाची गुंतवणूक- (Anjali Tendulkar Invest Virar)
सचिन तेंडुलकर आणि अंजली तेंडुलकर यांच्याकडे आधीच मुंबईत आलिशान मालमत्ता आहेत. अशा परिस्थितीत, विरारसारख्या क्षेत्रात गुंतवणूक केल्याने पुन्हा एकदा तेंडुलकर कुटुंबीयांची चर्चा रंगली आहे.
कोण आहे अंजली तेंडुलकर? (Who Is Anjali Tendulkar)
अंजली तेंडुलकर या एक डॉक्टर, समाजसेविका आणि भारतीय क्रिकेटमधील ‘मास्टर ब्लास्टर’ सचिन तेंडुलकर यांच्या पत्नी आहेत. अंजली तेंडुलकरांनी स्वतःचे व्यावसायिक जीवन बाजूला ठेवून कुटुंब आणि सचिनच्या कारकिर्दीसाठी पूर्णपणे स्वतःला समर्पित केले आहे. अंजली तेंडुलकर एका श्रीमंत गुजराती कुटुंबातील आहेत. 1990 साली एका एअरपोर्टवर अंजली आणि सचिन यांची पहिली भेट झाली. काही काळ प्रेमसंबंधानंतर त्यांनी 24 मे 1995 रोजी विवाह केला. अंजली तेंडुलकर यांनी सचिनच्या क्रिकेट कारकिर्दीत महत्त्वाची भूमिका बजावली; सचिन नेहमीच म्हणतो की त्यांच्या यशामागे अंजलीचा मोठा वाटा आहे.
राज्यासह देश-विदेशातील महत्वाच्या बातम्या, VIDEO:
संबंधित बातमी:
महत्त्वाच्या बातम्या
