Afghanistan Cricket Team : अफगाणिस्तानने कोहलीचा 'विराट' फॉर्म्युला स्वीकारला अन् विजयाचा मार्गही मोकळा केला!
Afghanistan cricket team : अफगाणिस्तान क्रिकेट संघाने या विश्वचषकात सलग तिसऱ्यांदा धावांचा पाठलाग करून सामना जिंकला आहे. जो विराट कोहलीने आपल्या कारकिर्दीत अनेकदा केला आहे.
ICC Cricket World Cup 2023: अफगाणिस्तानने नेदरलँड्सचा पराभव करून चौथा विजय नोंदवला. अफगाणिस्तानने नेदरलँडने दिलेल्या लक्ष्याचा पाठलाग करत सामना जिंकून उपांत्य फेरीच्या दिशेने आणखी एक पाऊल टाकले. अफगाणिस्तान संघाची एक खासियत या स्पर्धेत दिसते, ती विराट कोहलीसारखीच आहे. अफगाणिस्तान क्रिकेट संघाने या विश्वचषकात सलग तिसऱ्यांदा धावांचा पाठलाग करून सामना जिंकला आहे. जो विराट कोहलीने आपल्या कारकिर्दीत अनेकदा केला आहे. याच कारणामुळे विराट कोहलीला चेस मास्टर देखील म्हटले जाते.
अफगाणिस्तानने चौथा विजय नोंदवला
अफगाणिस्तानचा क्रिकेट संघही या विश्वचषकात अशीच कामगिरी करत आहे. या विश्वचषकात अफगाणिस्तानने आधी इंग्लंड, नंतर पाकिस्तान, श्रीलंका आणि आता नेदरलँड्सचा पराभव केला. आता अफगाणिस्तानला ऑस्ट्रेलिया आणि दक्षिण आफ्रिकेविरुद्ध दोन सामने खेळायचे आहेत. हे दोन्ही सामने अफगाणिस्तानने जिंकल्यास ते उपांत्य फेरीत सहज पोहोचेल. मात्र, आजच्या सामन्याबद्दल बोलायचे झाले तर, प्रथम फलंदाजी करणाऱ्या नेदरलँडचा संघ केवळ 179 धावांवरच मर्यादित राहिला. या सोप्या लक्ष्याचा पाठलाग करण्यासाठी आलेल्या नेदरलँड संघाने अवघ्या 31.3 षटकांत 181 धावा केल्या आणि सामना सात विकेट राखून जिंकला. या विश्वचषकात लक्ष्याचा पाठलाग करताना अफगाणिस्तानचा हा सलग तिसरा विजय आहे.
Thank you, Jonathan Trott and Ajay Jadeja for making Afghanistan such a brutal force and 2nd best Asian team in this World Cup. pic.twitter.com/uKDckPo3HW
— Mufaddal Vohra (@mufaddal_vohra) November 3, 2023
या विश्वचषकात अफगाणिस्तान संघाने प्रथम धावांचा पाठलाग करताना पाकिस्तानचा पराभव केला. पाकिस्तानने अफगाणिस्तानच्या खेळाडूंना 50 षटकांत 282 धावांचे लक्ष्य दिले होते, मात्र त्या लक्ष्याचा पाठलाग करताना अफगाणिस्तानने 49 षटकांत केवळ 2 गडी गमावून 286 धावा केल्या. अफगाणिस्तानने हा सामना 8 विकेटने जिंकला. त्यानंतर श्रीलंकेची पाळी होती. श्रीलंकेने अफगाणिस्तानला 241 धावांचे लक्ष्य देखील दिले होते आणि अफगाणिस्तानने तो सामना अवघ्या 46 व्या षटकात 7 विकेट्स राखून जिंकला होता आणि आता आज अफगाणिस्तान संघाने नेदरलँड्सविरुद्धही अशीच काहीशी कामगिरी केली आहे.
अफगाणिस्तानने विराटचा फॉर्म्युला स्वीकारला
श्रीलंकेविरुद्धच्या विजयानंतर अफगाणिस्तानच्या प्रशिक्षकांनी त्यांचा संघ पाठलाग करताना छोटे लक्ष्य कसे बनवतो, हे सांगितले होते. धावांचा पाठलाग करताना अफगाणिस्तानची ही रणनीती विराट कोहलीच्या रणनीतीशी मिळतेजुळते आहे. विराट कोहलीही धावांचा पाठलाग करताना आपल्या संघासाठी लहान लक्ष्य करतो आणि संघाला विजय मिळवून देतो. विराटने आपल्या कारकिर्दीत अनेकवेळा असे केले असले तरी या विश्वचषकातही विराटने अनेकवेळा असा पाठलाग करून संघाला विजय मिळवून दिला आहे. विराटसह केएल राहुलने ऑस्ट्रेलियाविरुद्ध 85 धावांची खेळी करत संघाला विजय मिळवून दिला.
Afghanistan miss-calculated the run chase in Asia Cup and knocked out of the tournament then came into the World Cup:
— Johns. (@CricCrazyJohns) November 3, 2023
- Chase down 283 vs PAK.
- Chase down 242 vs SL.
- Chase down 180 vs NED.
They are writing a history in Afghanistan cricket. pic.twitter.com/YpBWMZDakB
त्यानंतर विराट कोहलीने अफगाणिस्तानविरुद्धचा सामनाही 55 धावांची नाबाद खेळी खेळून संपवला आणि टीम इंडियाला शानदार विजय मिळवून दिला. बांगलादेशविरुद्ध 103 धावांची नाबाद खेळी करत विराटने धावांचा यशस्वी पाठलाग कसा करावा हे जगाला दाखवून दिले. त्यानंतर न्यूझीलंडविरुद्धही विराट कोहलीने धावांचा पाठलाग करताना 95 धावांची मॅचविनिंग इनिंग खेळली. जगातील महान चेस मास्टर विराट कोहलीने धावांचा पाठलाग करताना 100 पेक्षा कमी डावात 5500 हून अधिक धावा केल्या आहेत. या काळात त्याची सरासरी 90 पेक्षा जास्त राहिली आहे.
इतर महत्वाच्या बातम्या
महत्त्वाच्या बातम्या
