पाकला युद्ध हवं असेल तर युद्ध व्हायला हवं: विजेंदर सिंह

विजेंदरसोबतच वीरेंद्र सेहवाग आणि शाहरुख खान यांनीही पाकिस्तानच्या या कृत्याची टीका केली आहे.

17 शहीद जवानांच्या कुटुंबीयांच्या दु:खात सहभागी आहे, जर पाकिस्तानला युद्धच हवं असेल तर युद्ध व्हायला हवं.

उरी हल्ल्यानंतर विजेंदर सिंहनं अतिशय कठोर शब्दात पाकिस्तानवर टीका केली आहे. ट्विटरवरुन त्यानं आपला राग व्यक्त केला.

सीमेपलीकडून वारंवार होणाऱ्या भ्याड हल्ल्यांविरोधात भारतीय सैन्यातही संतापाची लाट उसळली आहे. आता पाकिस्तानच्या हद्दीत प्रवेश करुन जशास तसं उत्तर देण्याची वेळ आल्याची भावना भारतीय सैन्य दलाकडून व्यक्त केली जात आहे.

महाराष्ट्रानेही या हल्ल्यात तीन सुपुत्र गमावले आहेत. लान्स नायक जी शंकर साताऱ्याच्या जाशी गावचे आहेत, तर टी. एस. सोमनाथ नाशिकच्या खंडनगळीचे होते. यूके जानराव अमरावतीच्या नांदगावचे रहिवाशी होते.

उरीमध्ये झालेल्या भ्याड दहशतवादी हल्ल्यात भारताला 17 जवान गमवावे लागले आहेत. बारामुल्ला जिल्ह्यातील जम्मू-काश्मीरच्या उरीमध्ये भारतीय सैन्यदलाच्या हेडक्वार्टरवर हा हल्ला करण्यात आला होता.