वन डे क्रिकेटमध्ये टीम इंडियाचा 'असाही' एक विक्रम!

फायनलमध्ये भारताचा मुकाबला पाकिस्तानसोबत होणार आहे.

चॅम्पियन्स ट्रॉफीच्या दुसऱ्या सेमीफायनलमध्ये टीम इंडियाने बांगलादेशवर 9 विकेट राखून मात केली आणि फायनलमध्ये धडक मारली.

भारतीय टीमआधी 2 लाखांचा टप्पा पार करणारी टीम होती ऑस्ट्रेलिया. त्यामुळे ऑस्ट्रेलियाच्या मागोमाग या यादीत आता टीम इंडियाचाही समावेश झाला आहे.

सेमीफायनलमध्ये बांगलादेशने भारतासमोर 265 धावांचं आव्हान ठेवलं होतं. भारताने एका विकेटच्या बदल्यात बांगलादेशचा दणदणीत पराभव केला.

बांगलादेशने आव्हान दिलेल्या 265 धावा पूर्ण करत टीम इंडिया जगातील दुसरी टीम बनली आहे, ज्या टीमने क्रिकेटच्या इतिहासात 2 लाख धावांचा टप्पा पार केला आहे.