मुंबईतील मेट्रो-3चं काम वेगात

33.5 किमीची मेट्रो-3 ही देशातील पहिली भुयारी मेट्रो असणार आहे.

मुंबईतील कुलाबा-बांद्रा-सिप्झ या मेट्रो-3नं आपल्या कामाचा पहिला टप्पा यशस्वीरित्या पूर्ण केला आहे.

भुयारी करणाच्या या कामात आज 1.26 किलोमीटरचा टप्पा पूर्ण करण्यात आला. वैनगंगा-1 या टनेल बोअरिंग मशिननं 259 दिवसांत हे अंतर यशस्वीरित्या पूर्ण केलं.

मरोळ पाली ग्राऊंड ते इंटरनँशनल एअरपोर्ट या मार्गावर भुयारीकरणाच्या कामाचा पहिला टप्पा आज यशस्वीपणे पूर्ण करण्यात आला आहे.

राज्य सरकारचा महत्वाकांक्षी प्रकल्प असलेल्या मेट्रो-3च्या कामाला वेगानं सुरुवात झाली आहे.

भुयार खोदणारं वैनगंगा-1 नावाचं टनेल बोअरिंग मशिन चालवून दाखवण्यात आलं.

मेट्रो-3च्या पॅकेज 7 मधील भुयारीकरणाच्या पहिल्या टप्प्याच्या कामाचं मुख्यमंत्री देवेंद्र फडणवीस यांच्या हस्ते उद्घाटन करण्यात आलं.