ही शान कुणाची...लालबागच्या राजाची!

राज्यासह देशाचं लक्ष मुंबईतील गणेश विसर्जन मिरवणुकीकडे लागलेलं असतं. त्यातल्या त्यात लालबागच्या राजाची विसर्जन मिरवणुकीला तर भाविकांचा जनसागर लोटतो. सकाळी साडेदहाच्या सुमारास लालबागच्या राजा मंडपातून मार्गस्थ झाला.

गुलालात माखलेले कार्यकर्ते आणि ढोल ताशाच्या गजरात कार्यकर्ते बेधुंद होऊन नाचत बाप्पाला निरोप देत आहेत. लालबागच्या राजा मार्गस्थ झाल्यानंतर त्याच्या वाटेत फुलांच्या आणि पैशांचा माळांचं तोरण लावण्यात आलं आहे.

कोळी बांधव-भगिनींनी सर्वात आधी लालबागच्या राजाला सलामी दिली. कोळी नृत्य करत लालबागच्या मिरवणुकीला सुरुवात झाली. त्यानंतर गुलाल उधळत लालबागच्या कार्यकर्त्यांनी जल्लोष सुरु केला.