Raj Thackeray & Uddhav Thackeray: राज ठाकरेंना सन्मानपूर्वक मातोश्रीवर बोलवण्याच्या हालचाली? त्या बॅनर्समुळे चर्चांना उधाण

Raj Thackeray & Uddhav Thackeray: राज ठाकरे आणि उद्धव ठाकरे यांच्यात मनोमिलन होणार असल्याची जोरदार चर्चा सध्या सुरु आहे. दोन्ही नेत्यांनी एकत्र येण्याविषयी सकारात्मक वक्तव्य केले आहे.

Raj Thackeray & Uddhav Thackeray

गेल्या काही दिवसांपासून राजकीय वर्तुळात राज ठाकरे आणि उद्धव ठाकरे हे एकत्र येणार असल्याची चर्चा सुरु आहे.

या पार्श्वभूमीवर राज ठाकरेंच्या मनसेचा बालेकिल्ला असणाऱ्या नाशिकमध्ये लागलेले बॅनर्स चर्चेचा विषय ठरत आहेत. ठाकरे गटाकडून लावण्यात आलेल्या या फलकावरचा मजकूर लक्ष वेधून घेत आहे.

राज ठाकरे यांना मातोश्रीवर येण्याचे निमंत्रण द्या, असं साकडं या बॅनरच्या माध्यमातून उद्धव ठाकरे यांना घालण्यात आले आहे.

शिवसेना ठाकरे गटाचे शहर उपप्रमुख बाळा दराडे यांनी हे फलक लावले आहेत.

राज ठाकरे यांनी एका पॉडकास्टमध्ये, महाराष्ट्र हित आणि मराठी माणसाच्या अस्तित्वासाठी आमच्यातील क्षुल्लक भांडणे बाजुला सारुन एकत्र येण्याचे सूतोवाच केले होते.

उद्धव ठाकरे यांनी प्रतिसाद देताना भाजप आणि एकनाथ शिंदे यांच्यासोबत तडजोडी चालणार नाहीत, अशी अट घातली होती. परंतु, ही अटही उद्धव ठाकरे यांनी मागे घेतली होती.

राज ठाकरे आणि उद्धव ठाकरे एकत्र आल्यास आगामी मुंबई महानगरपालिका निवडणुकीची समीकरणे पूर्णपणे बदलतील.

राज ठाकरे हे सध्या परदेशात आहेत. परदेशातून परतल्यानंतर राज ठाकरे यांसदर्भात काही महत्त्वाची घोषणा करणार का, याकडे सर्वांच्या नजरा लागल्या आहेत.