Sharad Pawar meets Prabhavati Zadbuke : शरद पवारांची 'लाडकी बहीण', 1962 मध्ये निवडून आलेल्या माजी आमदाराकडून राखी बांधून औक्षण

Sharad Pawar meets Prabhavati Zadbuke, Barshi : बार्शीत राष्ट्रवादीचे सर्वेसर्वा शरद पवार यांना माजी आमदार प्रभावती झाडबुके यांनी राखी बांधली.

शेतकरी मेळव्याच्या निमित्ताने बार्शीत आलेल्या शरद पवार यांनी आपल्या जुन्या सहकारी माजी आमदार प्रभावती झाडबुके यांची भेट घेतली.

यावेळी प्रभावती झाडबुके यांनी शरद पवारांना राखी बांधून औक्षण करत स्वागत केले.

प्रभावती झाडबुके यांनी 1962 ते 1972 या काळात विधानसभेत बार्शी मतदारसंघाचे प्रतिनिधित्व केले होते.

शरद पवार यांनी आज भाषणातही झाडबुके यांचा उल्लेख केला होता.

कार्यक्रम संपल्यानंतर प्रभावती झाडबुके यांची घरी जाऊन शरद पवार यांनी भेट घेतली.

यावेळी शरद पवारांसमवेत धैर्यशील मोहिते पाटीलही उपस्थित होते.

प्रभावती झाडबुके यांची भेट घेतल्यानंतर शरद पवारांनी जुने सहकारी असलेल्या दिलीप सोपल यांचीही भेट घेतली.

शरद पवार आज संपूर्ण दिवस बार्शी दौऱ्यावर असणार आहेत, त्यानंतर ते सोलापूरकडे रवाना होणार आहेत.