West Bengal Panchayat Election: बंगालमध्ये निवडणुकांच्या दरम्यान हिंसाचार, पंचायत निवडणुकांमध्ये 26 जणांचा मृत्यू

West Bengal Panchayat Election: पश्चिम बंगालमध्ये झालेल्या पंचायत निवडणुकांमध्ये मोठ्या प्रमाणात हिंसाचार झाला.

West Bengal Panchayat Election

या हिंसाचारामध्ये जवळपास 26 जणांचा मृत्यू झाल्याची माहिती मिळत आहे.

मृत झालेल्या व्यक्तींमध्ये काँग्रेस, भाजप आणि माकप-डाव्या आघाडीच्या पक्षातील अनेक कार्यकर्त्यांचा समावेश आहे.

तसेच यावेळी काही ठिकाणी गोळीबाराच्या देखील घटना घडल्या आहेत.

पश्चिम बंगालमधील पंचायत निवडणुकींच्या 73,887 मतदानाची प्रक्रिया पार पडली आहे.

निवडणुकांच्या दरम्यान केंद्रीय पोलीस दल तैनात होते मात्र तरीही हिंसाचाराच्या घटना पश्चिम बंगालमध्ये घडल्या आहेत.

अनेक ठिकाणी बळजबरीने मतदान केल्याच्या देखील घटना घडल्या असल्याचं सांगितलं जात आहे.

निवडणुकांची प्रक्रिया सुरु होण्याआधीच सात जणांचा मृत्यू झाल्याची माहिती मिळाली.

त्यानंतर हिंसाचार वाढतच गेला.

परंतु यावेळी केंद्रीय सुरक्षा दल कुठे होते असा उलट सवाल तृणमूल काँग्रेसने उपस्थित केला आहे.