Bhandara News: तरुणाला चिरडल्यानं संतप्त ग्रामस्थांनी बस फोडली, चालकाला बेदम मारहाण; पाहा फोटो

राष्ट्रीय महामार्गावरील सर्विस रोडच्या बाजूला उभ्या असलेल्या तरुणाला भरधाव आलेल्या एसटी बसनं चिरडून अक्षरशः फरफटत नेलं.

ही घटना भंडारा-नागपूर राष्ट्रीय महामार्गावरील फुलमोगरा या गावात घडली.

ही घटना घडतात ग्रामस्थांनी घटनास्थळी धाव घेत संताप व्यक्त करताना एसटी बसच्या चालकाला बेदम मारहाण केली.

यावेळी ग्रामस्थांनी एसटी बसच्या काचा फोडत बसचे नुकसान केले.

सुशांत घरडे (वय 17) असं मृत तरुणाचे नावं आहे. अपघातग्रस्त बस (क्रमांक MH 40 Y 5142) ही नागपूरच्या घाटरोड डेपोची आहे.

ही एसटी बस नागपूर इथून प्रवाशी घेवून भंडारा इथं येतं होती.

अपघातानंतर सुमारे अर्धा तास राष्ट्रीय महामार्गावरील वाहतूक थांबली होती.

या घटनेमुळे फुलमोगरा गावात तणावाचं वातावरण निर्माण झालं.

जवाहरनगर पोलिस आणि दंगा नियंत्रण पोलिसांचा चोख बंदोबस्त तैनात करण्यात आला आहे.