रिया चक्रवर्तीला बॉलिवूडमध्ये काम मिळेना; चित्रपटांसाठी हैदराबादकडे मोर्चा

संपादित छायाचित्र

बॉलिवूड अभिनेता सुशांतसिंग राजपूत याच्या मृत्यूनंतर रिया चक्रवर्ती हिने सुशांतला आत्महत्येस प्रवृत्त केल्याचा आरोप झाला होता. यानंतर रियाला अनेक वादांना सामोरे जावे लागले. यासंदर्भात अंमली पदार्थांच्या एका प्रकरणात तिला तुरूंगातही जावे लागले. सध्या रिया जामीनावर बाहेर आहे. मात्र, संकटांनी तिचा पिछा अजूनही सोडलेला नाही. बॉलिवूडमध्ये काम नसल्यामुळे रिया हल्ली हैदराबादमध्ये कामाच्या शोधात आहे. पूर्वीसारखं आयुष्य जगण्याचा प्रयत्न ती करत आहे.

बातम्यांनुसार रिया लवकरच एका प्रोजेक्टमध्ये दिसणार आहे. पण, रियाने अद्याप या बातमीला दुजोरा दिला नाही. त्याचबरोबर सूत्रांचे म्हणणे आहे की, रियासाठी हे सोपे काम नाही. मात्र, पुढे जाण्यासाठी आणि पुन्हा नव्याने आयुष्य सुरु करण्यासाठी तिला हे करण्याची आवश्यकता आहे.