Sumeyye Erdogan : पाकिस्तानसाठी पायघड्या घालणाऱ्या तुर्कीच्या राष्ट्राध्यक्षांची लाडकी लेक भारतात अचानक चर्चेत का आली?
Sumeyye Erdogan : सुमेय एर्दोगान 2013 मध्ये त्यांचे वडील तैय्यप एर्दोगान पंतप्रधान असताना राजकीय सल्लागार बनल्या. 2014 मध्ये त्यांनी डेमोक्रसी नावाच्या संस्थेची सह-स्थापना केली होती.
Sumeyye Erdogan : भारत आणि पाकिस्तानमधील वाढता तणाव आणि ऑपरेशन सिंदूरनंतर, भारत सरकारने राष्ट्रीय सुरक्षेचे हित लक्षात घेऊन तुर्कीच्या ग्राउंड हँडलिंग कंपनीचा (India revokes security clearance of Turkish aviation firm Celebi) विमान सुरक्षा मंजुरी तात्काळ रद्द केली आहे. या निर्णयामागे कंपनीचे कथित राजकीय संबंध, विशेषतः तिचे नाव तुर्कीचे राष्ट्राध्यक्ष रेसेप तय्यिप एर्दोगान यांच्या कन्या सुमेय एर्दोगान (Sumeyye Erdogan) यांच्याशी जोडले जाणे महत्त्वाचे मानले जात आहे. तथापि, कंपनीने आरोप फेटाळून लावले आहेत.
कोण आहे सुमेय एर्दोगान? (Who is Sumeyye Erdogan)
ज्या कंपनीवर प्रश्न उपस्थित केले जात आहेत त्याचे नाव सेलेबी ग्राउंड हँडलिंग (Turkish aviation firm Celebi) असल्याचे सांगितले जात आहे. कंपनीने स्पष्ट केले आहे की आम्ही तुर्की सरकारशी संबंधित संस्था नाही. सुमेय एर्दोगान नावाच्या कोणत्याही महिलेचा आमच्या मूळ कंपनीत कोणताही वाटा नाही. सेलेबी ग्राउंड हँडलिंग म्हटले आहे की, आमची मालकी पूर्णपणे सेब ग्लू कुटुंबाकडे आहे, ज्यांचा कोणताही राजकीय संबंध नाही. तरीही, भारत सरकारने खबरदारीची कारवाई केली आहे आणि कंपनीशी संबंधित सर्व सुरक्षा मंजुरी रद्द केल्या आहेत. सुमेय एर्दोगान ही तुर्कीचे राष्ट्राध्यक्ष रेसेप तय्यिप एर्दोगान यांची सर्वात धाकटी मुलगी आहे. ती सुमारे 40 वर्षांची आहे. सुमेय एर्दोगान यांनी इंडियाना विद्यापीठ (यूएसए) मधून समाजशास्त्र आणि राजकारणात पदवी प्राप्त केली आहे. त्यानंतर लंडन स्कूल ऑफ इकॉनॉमिक्समधून पदव्युत्तर पदवी प्राप्त केली.
एर्दोगान पंतप्रधान असताना राजकीय सल्लागार
सुमेय एर्दोगान 2013 मध्ये त्यांचे वडील तैय्यप एर्दोगान पंतप्रधान असताना राजकीय सल्लागार बनल्या. 2014 मध्ये त्यांनी डेमोक्रसी नावाच्या संस्थेची सह-स्थापना केली आणि त्या तिच्या अध्यक्षा देखील होत्या. सुमेय एर्दोगान यांनी 2010 मध्ये "दोराक" या अन्न कंपनीत त्यांचा भाऊ बिलाल यांच्यासोबत भागीदारी केली. याशिवाय, 2016 मध्ये त्यांनी बेकर या लष्करी ड्रोन कंपनीचे सीईओ असलेल्या सेलचुक बायरक्तर यांच्याशी लग्न केले.
पाकिस्तानने 300-400 तुर्की बनावटीचे ड्रोन वापरल्याची चर्चा
भारत आणि पाकिस्तानमधील अलिकडच्या तणाव आणि ऑपरेशन सिंदूरनंतर, पाकिस्तानने 300-400 तुर्की बनावटीचे ड्रोन वापरल्याची चर्चा आहे. हे ड्रोन बेसर डिफेन्स कंपनीने बनवले होते, जी सुमेय एर्दोगान यांच्या पतीची कंपनी आहे. राष्ट्रपती एर्दोगान यांनी उघडपणे पाकिस्तानला पाठिंबा दिला आणि भारताच्या कृतीवर टीका केली होती.
इतर महत्वाच्या बातम्या
महत्त्वाच्या बातम्या
