Nepal Flash Flood Video: नेपाळमधील महाप्रलयात चौतर्फा मृत्यूनं घेरलेल्या त्या व्हायरल बंगल्यावरील लोकांचं नेमकं काय झालं? काळाच्या उदरात गडप झाले की वाचले??

Nepal Flash Flood Video: मृत्यूचे तांडव सुरु असल्याने ते बाल्कनीतून सुटका तरी कशी करून घ्यायची या विचारात होते. मात्र, त्यांच्यासमोर नियतीच्या मनात जे असेल ते मान्य करून घेतल्याशिवाय पर्याय नव्हता.

Nepal Flash Flood Video

Source : ABP Majha

Nepal Flash Flood Video: नेपाळमध्ये आलेल्या अचानक प्रलयकारी महापुरात आतापर्यंत सहाशेच्या घरात मृत्यू पोहोचले आहेत. जवळपास अडीच हजारांवर बेपत्ता असून यामध्ये 400वर भारतीय असल्याने धाकधूक वाढली आहे. या विनाशकारी प्रलयात नदीकाठचा परिसर स्मशानघाट पसरला असून अवघ्या चिखल्या जिंदगी आणि मालमत्ता चिरडल्या गेल्या आहेत. दुसरीकडे, या भीषण मृत्यू तांडवातील अनेक अंगावर शहारे आणणारे व्हिडिओ व्हायरल झाले. यामध्ये सर्वाधिक व्हायरल व्हिडिओ एका बंगल्याचा होता. या बंगल्याच्या बाल्कनीत चार ते पाच लोक अडकल्याचा व्हिडिओ व्हायरल झाला होता. घराच्या चारी बाजूने मृत्यूचे तांडव सुरु असल्याने ते बाल्कनीतून सुटका तरी कशी करून घ्यायची या विचारात होते. मात्र, त्यांच्यासमोर नियतीच्या मनात जे असेल ते मान्य करून घेतल्याशिवाय पर्याय नव्हता.

देव तारी त्याला कोण मारी 

मात्र, या विनाशकारी प्रलयात त्या व्हायरल झालेल्या घरातील लोक बचावली आहेत. तो व्हायरल व्हिडिओ पाहतानाच अनेकांचा थरकाप उडाला होता. पुराच्या वेळी पाण्याचा प्रचंड प्रवाह असूनही ते इंटरनेटवर व्हायरल झालेलं टुमदार घर उभे राहिलं आहे. आजूबाजूचा परिसर उसळत्या लाटांमध्ये बुडाला होता. अनेक इमारती व ढिगारे पाण्यासोबत वाहून जाताना दिसत होते. अशावेळी या घराचा एक व्हिडिओ सोशल मीडियावर वेगाने व्हायरल झाला होता.  घराच्या बाल्कनीमध्ये तीन लोक उभे असलेले दिसत होते. आजूबाजूला विध्वंस झालेला असूनही ते शांत दिसत होते. व्हिडिओमध्ये चिखलाचे पुराचे पाणी भयावह वेगाने परिसरातून वाहत असल्याचे आणि इमारतींचे बांधकाम व ढिगारे वाहून नेत असल्याचे दिसत आहे. मात्र, पाण्याच्या जोरदार प्रवाहाने वेढलेले असूनही, हे घर मोठ्या प्रमाणात सुरक्षित असल्याचे दिसत आहे.

Terrifying footage shows a flash flood sweeping through the Nepal–Tibet border, trapping people on rooftops and balconies. At least 469 have been killed, with hundreds still missing. pic.twitter.com/xRgRWmwut7

— Weather Monitor (@WeatherMonitors) August 28, 2026

नेपाळमध्ये आतापर्यंत 579 मृत्यू

नेपाळ पोलिसांच्या माहितीनुसार, पुरामध्ये 579 लोकांचा मृत्यू झाला आहे. 320 भारतीय नागरिकांसह सुमारे 2,500 लोक बेपत्ता आहेत किंवा त्यांच्याशी संपर्क होऊ शकलेला नाही. शुक्रवारी, इन्फोसिस पब्लिक सर्व्हिसेसचे सीईओ लक्ष गोपीसेट्टी यांनीही नेपाळला प्रवास केल्याचे उघड झाले, परंतु त्यांच्याशीही संपर्क होऊ शकलेला नाही. परराष्ट्र मंत्रालयाच्या माहितीनुसार, सुमारे 400 भारतीय चीनच्या बाजूला अडकले आहेत, परंतु सर्वजण सुरक्षित आहेत. त्यांच्या सुरक्षित मायदेशी परतण्याची खात्री करण्यासाठी भारत चिनी अधिकाऱ्यांच्या संपर्कात आहे. याव्यतिरिक्त, 153 भारतीय चीनमधून नेपाळमध्ये सुरक्षितपणे परतले आहेत.

ग्यिरोंग बंदराचा तो व्हिडिओ चीनमध्ये का दिसत नाही? 

दुसरीकडे, नेपाळ-तिबेट सीमेवरील पुराचे फोटो आणि व्हिडिओ जगभर वेगाने पसरले. सर्वाधिक चर्चेत असलेला व्हिडिओ नेपाळ आणि तिबेटमधील एक महत्त्वाचे सीमाद्वार असलेल्या ग्यिरोंग बंदराचा होता. या व्हिडिओमध्ये वेगाने वाहणारे पुराचे पाणी सर्वकाही वाहून नेत असल्याचे आणि लोक जीव वाचवण्यासाठी पळत असल्याचे दिसत आहे. हे व्हिडिओ सीसीटीव्ही कॅमेऱ्यांमध्ये रेकॉर्ड झाले होते आणि सोशल मीडियाद्वारे जगभरातील अनेक देशांमध्ये पोहोचले. तथापि, चीनमधील लोकांना हे व्हिडिओ सहजपणे पाहता आले नाहीत. चीनच्या सरकारी टीव्ही वृत्तवाहिनीनेही आतापर्यंत या घटनेचे फक्त एकच चित्र दाखवले आहे. पुराचे व्हिडिओ चिनी इंटरनेटवर शोधणे कठीण आहे. मृत्यू आणि बेपत्ता लोकांबद्दलच्या सोशल मीडिया पोस्ट्ससुद्धा सहज उपलब्ध नाहीत. याचे कारण म्हणजे चीनमध्ये सरकारचे इंटरनेटवर कडक नियंत्रण आणि सेन्सॉरशिप आहे. कोणती माहिती उपलब्ध होईल आणि कोणती नाही यावर सरकारचे मोठे नियंत्रण आहे.

Damn ! visuals of the region of Tibet adjacent to Nepal, from where the devastating flood entered😳 pic.twitter.com/3QxRp125NV

— Ghar Ke Kalesh (@gharkekalesh) August 26, 2026

इतर महत्त्वाच्या बातम्या