Madagascar Cyclone : मादागास्करमध्ये चक्रीवादळाचा कहर; 10 जण ठार, 48 हजार नागरिक बेघर

या चक्रीवादळामुळे अनेक घरे उद्ध्वस्त झाली असून किमान 10 जण ठार झाल्याची माहिती आहे. यासोबतच या चक्रीवादळामुळे सुमारे 48 हजार लोक बेघर झाले आहेत.

madagaskar

Madagascar Cyclone : बत्सिराई (Cyclone Batsirai) या चक्रीवादळाने मादागास्करमध्ये (madagaskar cyclone) कहर केला आहे. वादळामुळे मोठ्या प्रमाणात नुकसान झाल्याची माहिती आहे. बत्सिराई हे दोन आठवड्यांतील दुसरे मोठे वादळ असून 235 किमी वेगाने पूर्व किनारपट्टीवर धडकले. या चक्रीवादळामुळे अनेक घरे उद्ध्वस्त झाली असून किमान 10 जण ठार झाल्याची माहिती आहे. यासोबतच या चक्रीवादळामुळे सुमारे 48 हजार लोक बेघर झाले आहेत. जोरदार वाऱ्यामुळे अनेक झाडे उन्मळून पडली आहेत. तसेच अनेक इमारतींचे मोठे नुकसान झाले आहे.

मादागास्करमध्ये चक्रीवादळाचा धुमाकूळ

मादागास्करच्या हवामान विभागाने(Meteorological Office) सांगितले की, पावसामुळे देशाच्या काही भागात पूरस्थिती निर्माण झाली आहे. हिंद महासागरातील महासागर द्वीपमध्ये हाहाकार माजवल्यानंतर चक्रीवादळ कमकुवत झाले. तसेच या चक्रीवादळाचा सरासरी वाऱ्याचा वेग जवळपास निम्मा 80 किमी प्रतितास झाला आहे. सर्वात वेगवान वेग 235 किमी प्रतितास होता.

48 हजार लोक बेघर
मीडिया रिपोर्ट्सनुसार समुद्राच्या वाढत्या लाटांमुळे मांझरी शहर पूर्णपणे उद्ध्वस्त झाले आहे. शहरातील सुमारे 95 टक्के भागाचे मोठे नुकसान झाले आहे. मादागास्कर आधीच उष्णकटिबंधीय वादळ असलेल्या ट्रॉपिकल स्टॉर्म एनाशी (Tropical Storm Ana) झुंज देत आहे, ज्यामुळे गेल्या महिन्यात हिंदी महासागरातील महासागर द्वीपला धडकल्यानंतर अनेक लोकांचा मृत्यू झाला. फ्रान्स वेदर सर्व्हिसने पूर्वी भाकीत केले होते की, बत्सिराई मॉरिशसमधून गेल्यानंतर मादागास्करला खूप गंभीर धोका निर्माण होईल. जानेवारीच्या उत्तरार्धात एना चक्रीवादळाने मादागास्करमध्ये कमीतकमी 131,000 लोकांचे नुकसान झाले होते. तसेच सुमारे 60 लोकांचा मृत्यू झाला.

इतर महत्त्वाच्या बातम्या :