युद्धखोर इस्त्रायलचा पहिल्याच दिवशी युद्धविरामाला सुरुंग, लेबनाॅनमध्ये 10 मिनिटात 254 जणांच्या कत्तली; अमेरिकेनं सुद्धा पलटी मारली; संतप्त इराणनं होर्मुझ मार्ग पुन्हा रोखला, उद्यापासून चर्चा होणार तरी कशी?

लेबनॉनमध्ये युद्धखोर इस्रायली हल्ल्यांमध्ये एकाच दिवसात 254 लोकांचा मृत्यू झाला असून, 1165 हून अधिक लोक जखमी झाले आहेत. यानंतर देशात राष्ट्रीय दुखवटा जाहीर करण्यात आला आहे.

Iran War Live Update

Source : X (Twitter)

Iran War Live Update: भयावह उर्जा संकटाच्या टांगत्या तलवारीमुळे दोन आठवड्यांच्या युद्धविरामानंतर अवघ्या जगाला दिलासा मिळाला असतानाच युद्धखोर इस्त्रायली पंतप्रधान बेंजामिन नेत्यानाहू यांच्या नरसंहाराने पुन्हा धोका निर्माण झाला आहे. दुसरीकडे, इस्त्रायलने युद्धबंदीत लेबनॉनमध्ये 10 मिनिटात 254 जणांची कत्तल केली. लेबनॉनमध्ये युद्धखोर इस्रायली हल्ल्यांमध्ये एकाच दिवसात 254 लोकांचा मृत्यू झाला असून, 1165 हून अधिक लोक जखमी झाले आहेत. यानंतर देशात राष्ट्रीय दुखवटा जाहीर करण्यात आला आहे.

युद्धविराम की इस्रायलमार्फत युद्ध सुरू ठेवायचे?

लेबनॉनचे पंतप्रधान नवाफ सलाम यांनी सांगितले की, इस्रायलचे हल्ले थांबवण्यासाठी ते सर्व राजकीय आणि राजनैतिक संसाधने एकत्रित करत आहेत. आरोग्य मंत्री रकान नसरेद्दीन यांनी आंतरराष्ट्रीय मदतीचे आवाहन केले आहे. मोठ्या संख्येने जखमी झालेल्यांच्या उपचारांमुळे आरोग्य व्यवस्थेवर मोठा ताण येत आहे. दरम्यान, युद्धविरामावरून वाद अधिकच वाढला आहे. इस्रायलचे पंतप्रधान बेंजामिन नेतान्याहू आणि अमेरिकेचे उपराष्ट्रपती जे.डी. व्हान्स यांनी सांगितले की, लेबनॉन या कराराचा भाग नाही. अमेरिकेचे उपराष्ट्रपती जे.डी. व्हान्स म्हणाले, "आम्ही असे कोणतेही वचन दिले नव्हते."दरम्यान, इराणचे परराष्ट्र मंत्री अब्बास अराघची म्हणाले की, अमेरिकेने युद्धविराम लागू करायचा की इस्रायलमार्फत युद्ध सुरू ठेवायचे, याचा निर्णय घेतला पाहिजे, कारण दोन्ही गोष्टी एकत्र नांदू शकत नाहीत. दरम्यान, अमेरिकेनं पहिल्या 24 तासांमध्येच 10 पैकी 3 अटींचे उल्लंघन केल्याचे इराणी संसद अध्यक्ष मोहम्मद गालिबाफ यांनी म्हटलं आहे. 

युद्धविरामानंतर मागील 24 तासात काय घडलं?

• होर्मुझच्या सामुद्रधुनीजवळ 426 तेलवाहू जहाजे आणि 53 गॅसवाहू जहाजांसह शेकडो जहाजे अडकली आहेत.
• युद्धविरामानंतरच्या पहिल्या हल्ल्यात लेबनॉनच्या हिजबुल्लाहने इस्रायलवर रॉकेट डागले.
• वॉल स्ट्रीट जर्नलच्या वृत्तानुसार, मध्य पूर्वेतील अधिकाऱ्यांनी अमेरिका-इराण युद्ध अधिक तीव्रतेने पुन्हा भडकण्याची शक्यता वर्तवली आहे.
• होर्मुझच्या सामुद्रधुनीमध्ये मोठ्या संख्येने जहाजे अडकली आहेत.
• रॉयटर्सच्या वृत्तानुसार, अमेरिका-इराण युद्धविराम "डळमळीत" आणि "संशयास्पद"
• अमेरिकेचे उपराष्ट्रपती व्हान्स म्हणाले की, इराणसोबतच्या युद्धविराम करारामध्ये लेबनॉनचा समावेश नाही.
• वॉल स्ट्रीट जर्नलच्या वृत्तानुसार, इराण युद्धाला पाठिंबा देण्यास नकार देणाऱ्या नाटो देशांमधून अमेरिकी सैन्य मागे घेण्याच्या योजनेवर राष्ट्राध्यक्ष ट्रम्प विचार करत आहेत.
• इराणचे म्हणणे आहे की, लेबनॉन युद्धविरामाचा भाग नाही हा अमेरिकेचा दावा करार मोडण्याचे एक निमित्त आहे.
• राष्ट्राध्यक्ष ट्रम्प यांना त्यांच्या पुढील दौऱ्यात "इस्रायल शांतता पुरस्कार" देण्याचा इस्रायल विचार करत आहे.
• सीएनएनच्या वृत्तानुसार, अमेरिका-इराण युद्धविराम हा औपचारिक लेखी करार असल्याचे दिसत नाही.
• अमेरिकेचे उपराष्ट्रपती व्हान्स यांनी इशारा दिला आहे की, शस्त्रसंधी करार मोडल्यास इराणला "गंभीर परिणामांना" सामोरे जावे लागेल.
• स्पेनचे पंतप्रधान पेद्रो सांचेझ म्हणाले, "शस्त्रसंधीमध्ये लेबनॉनचा समावेश असलाच पाहिजे."
• स्पेनचे पंतप्रधान पेद्रो सांचेझ यांनी युरोपियन युनियनला "इस्रायलसोबतचा आपला संलग्नता करार स्थगित" करण्याचे आवाहन केले आहे.
• "या गुन्हेगारी कृत्यांसाठी कोणतीही सूट मिळता कामा नये."
• इराणच्या संसदेचे अध्यक्ष म्हणाले की, अमेरिका आणि इस्रायलने शस्त्रसंधी कराराचे उल्लंघन केले आहे. "अशा परिस्थितीत, द्विपक्षीय शस्त्रसंधी किंवा वाटाघाटी करणे अवास्तव आहे."
• इराणचे परराष्ट्र मंत्री अराघची यांनी लेबनॉनवरील इस्रायली हल्ल्यांवर प्रतिक्रिया दिली. "इराण-अमेरिका शस्त्रसंधीच्या अटी स्पष्ट आणि सुस्पष्ट आहेत. अमेरिकेला निवड करावी लागेल, शस्त्रसंधी किंवा इस्रायलमार्फत युद्ध सुरू ठेवणे. त्यांना दोन्ही मिळू शकत नाहीत. लेबनॉनमधील हत्याकांड जग पाहत आहे. चेंडू आता अमेरिकेच्या कोर्टात आहे, आणि ते आपल्या वचनबद्धतेनुसार कृती करतील की नाही याकडे जग पाहत आहे."
• अमेरिकेचे उपराष्ट्रपती जेडी व्हान्स आणि स्टीव्ह विटकॉफ या आठवड्याच्या अखेरीस इराणसोबत चर्चा करण्यासाठी पाकिस्तानला भेट देणार आहेत.
• इस्रायलचे पंतप्रधान नेतान्याहू म्हणतात की, इराणचे संवर्धित युरेनियम 'कराराने किंवा युद्धाने' हटवले जाईल.
• पंतप्रधान नेतान्याहू म्हणतात की, ही लढाईची अखेर नाही आणि इस्रायल आपली उद्दिष्ट्ये साध्य करण्याच्या मार्गावर आहे.

इतर महत्वाच्या बातम्या