Coronavirus World Update | जगभरात कोरोनाच्या 83 हजार नव्या रूग्णांची नोंद; गेल्या 24 तासांत 7 हजारांहून अधिक मृत्यू

संपूर्ण जग कोरोना व्हायरसच्या संकटापुढे हतबल झालं आहे. दिवसागणित जगभरातील कोरोनाग्रस्तांच्या संख्येत वाढ होत आहे.

नवी दिल्ली : कोरोना व्हायरसपुढे संपूर्ण जग हतबल झालं आहे. जगभरातील कोरोना बाधितांच्या संख्येत झपाट्याने वाढ होत आहे. जर नव्या रूग्णांबाबत बोलायचे झाले तर जगभरात 83 हजारांहून अधिक कोरोनग्रस्तांचे नवे रूग्ण आढळून आले आहेत. तसेच या जीवघेण्या व्हायरसमुळे 7 हजारांहून अधिक कोरोना बाधितांचा मृत्यू झाला आहे. जगभरातील कोरोनाचा संसर्ग झालेल्यांची संख्या 2,082,372 वर पोहोचली आहे. तर या व्हायरसमुळे बळी गेलेल्यांचा आकडा 134,560 वर पोहोचला आहे.

कोरोना व्हायरसचा सर्वाधिक प्रभाव अमेरिकेवर झाला आहे. या व्हायरसचा संसर्ग 6 लाखांहून अधिक लोकांना झाला आहे. तर 28 हजारांहून अधिक लोकांचा मृत्यू झाला आहे. अमेरिकेतील न्यूयॉर्क शहरात कोरोना व्हायरसचा सर्वाधिक प्रादूर्भाव पाहायला मिळतो. न्यूयॉर्क शहर कोरोना व्हायरसचं केंद्र बनलं आहे. याच कारणामुळे न्यूयॉर्कमध्ये सार्वजनिक ठिकाणी मास्क घालणं बंधनकारक केलं आहे.

जाणून घ्या कोणत्या देशात काय परिस्थिती :

देश	एकूण रूग्ण	नवीन रूग्ण	एकूण मृत्यू	गेल्या 24 तासांत मृत्यू
अमेरिका	644,055	30,172	28,526	2,479
स्पेन	180,659	6,599	18,812	557
इटली	165,155	2,667	21,645	578
फ्रान्स	147,863	4,560	17,167	1,438
जर्मनी	134,753	2,543	3,804	309
ब्रिटन	98,476	4,603	12,868	761

अमेरिकेमध्ये कोरोनाचे सर्वाधिक टेस्ट

जगभरातील सर्वाधिक कोरोना व्हायरसच्या टेस्ट अमेरिकेमध्ये करण्यात आल्या आहेत. अमेरिकेमध्ये आतापर्यंत 3,258,879 कोरोना टेस्ट करण्यात आल्या आहेत. मीडिया रिपोर्ट्सनुसार, अमेरिकेत जर एखादी व्यक्ती कोरोना बाधित असल्याचं निष्पन्न झालं तर त्याच व्यक्तीची तपासणी अनेकदा करण्यात येते. अमेरिकेनंतर जर्मनी सर्वाधिक टेस्ट करणाऱ्या देशांच्या यादीत दुसऱ्या क्रमांकावर आहे. जर्मनीमध्ये आतापर्यंत 1,728,357 कोरोना व्हायरसच्या टेस्ट करण्यात आल्या आहेत. त्यानंतर रूस, इटली आणि यूएईचा क्रमांक येतो. येथे अनुक्रमे 1,517,992, 1,117,404, 767,000 कोरोना व्हायरसच्या टेस्ट करण्यात आल्या आहेत.

चीनमध्ये कोरोनामुक्त झालेल्यांची संख्या सर्वाधिक

कोरोना व्हायरसची लागण झाल्यानंतर उपचार घेऊन कोरोनामुक्त झालेल्यांच्या संख्येत चीन सर्वात पुढे आहे. चीनमध्ये आतापर्यंत 77,816 लोकांना कोरोनामुक्त करण्यात आलं आहे. तर चीननंतर जर्मनीमध्ये 72,600 लोक रिकव्हर झाले आहेत. याव्यतिरिक्त स्पेनमध्ये 70,853 आणि इराणमध्ये 49,933 लोक रिकव्हर झाले आहेत. तसेच अमेरिकेत कोरोना व्हायरसमुळे आतापर्यंत रिकव्हर झालेल्यांची संख्या 48,701 आहे.

संबंधित बातम्या :