Coronavirus | जगभरात 10 लाखांहून अधिक कोरोना बाधित; इटली-स्पेन, अमेरिका-ब्रिटनमध्ये परिस्थिती गंभीर

जगभरात कोरोना व्हायरसचा कहर वाढतच जात असून जगभरातील कोरोना बाधितांचा आकडा 10 लाख पार पोहोचला आहे.

नवी दिल्ली : कोरोना व्हायरसचा प्रकोप थांबायचं नाव घेत नाही. जगभरात कोरोनाचा संसर्ग झालेल्यांचा आकडा दहा लाखांच्या पार गेला आहे. तर आतापर्यंत 50,000 पेक्षा जास्त लोकांचा मृत्यू झाला आहे. आतापर्यंत एका दिवसांत कोरोनामुळे झालेल्या मृत्यूंची सर्वाधिक संख्या अमेरिकेत आहे. अर्ध्याहून अधिक जग लॉकडाऊनमध्ये असूनही कोरोनाचा विषाणू अत्यंत वेगाने फोफावत आहे. इटली, स्पेन, अमेरिका आणि ब्रिटनमधील परिस्थिती अत्यंत गंभीर आहे. जगभरातील मृतांच्या आकड्यात तिसऱ्या क्रमांकावर अमेरिका मीडिया रिपोर्ट्सनुसार, जगभरात 1 लाख 98 हजार 390 लोकांना कोरोनाचा संसर्ग झाला आहे. तर 59 हजार 159 लोकांचा मृत्यू झाला आहे. तसेच आतापर्यंत दोन लाख 28 हजार 923 लोक कोरोनामुक्त झाले आहेत. कोरोनामुळे सर्वाधिक मृत्यू इटलीमध्ये झाले आहेत. इटलीमध्ये आतापर्यंत 14,681 लोकांचा मृत्यू झाला असून 119,827 लोकांना कोरोनाचा संसर्ग झाला आहे. मृतांच्या आकड्यामध्ये दुसऱ्या क्रमांकावर स्पेन असून आतापर्यंत 11,198 लोकांचा मृत्यू झाला आहे. तर 119,199 लोक कोरोना बाधित आहेत. तिसऱ्या क्रमांकावर अमेरिका आहे. अमेरिकेत मृतांचा आणि कोरोना बाधितांचा आकडा वेगाने वाढत आहे. आतापर्यंत 7392 लोकांचा मृत्यू झाला आहे. तर 277,161 लोक कोरोनाग्रस्त आहेत. पाहा कोणत्या देशात सर्वाधिक कोरोनाचा कहर आहे? फक्त युरोपमध्ये कोरोना व्हायरसमुळे 40,000 पेक्षा जास्त मृत्यू झाले आहेत. यामधील तीन चतुर्थांशपेक्षा अधिक लोकांचा इटली, स्पेन आणि फ्रान्समध्ये मृत्यू झाला आहे. अमेरिकन नागरिकानं त्यासाठी तयार राहावं; डोनाल्ड ट्रम्प यांचं आवाहन अमेरिकेत कोरोना महामारीचं संकट दिवसेंदिवस अधिक वाढत आहे. येत्या काही दिवसात अमेरिकेत कोरोनामुळे मृत्यू होणाऱ्यांची संख्या 1 लाख ते 2 लाखांपर्यंत पोहचू शकते, अशी भीती नॅशनल इन्स्टिट्युट ऑफ अॅलर्जी अँड इन्फेक्शन डिजीजचे संचालक प्रख्यात संसर्गजन्य रोग तज्ज्ञ डॉ. अँथनी फाऊची यांनी व्यक्त केली आहे. काही दिवसात अमेरिकेतील व्हेंटिलेटर्स संपू शकतात, असा अंदाजही त्यांनी व्यक्त केला आहे. अमेरिकेत, विशेषत: न्यूयॉर्कमध्ये कोरोनाचा अतिशय वेगानं फैलाव झाला आहे. त्यामुळे पुढील दोन आठवडे अतिशय वाईट असू शकतात, असं अध्यक्ष डोनाल्ड ट्रम्प यांनी मंगळवारीच म्हटलं होतं. पुढील काही दिवस अतिशय अवघड असणार आहेत. प्रत्येक अमेरिकन नागरिकानं त्यासाठी तयार राहावं, असं आवाहन त्यांनी केलं होतं. संबंधित बातम्या :  Coronavirus | कोरोना व्हायरसवर मात करण्यासाठी वर्ल्ड बँकेची भारताला 7500 कोटींची मदत PM Modi | 5 एप्रिलला वीज बंद करुन घरात दिवे, मेणबत्ती, मोबाईल टॉर्चचा प्रकाश करा : पंतप्रधान मोदी Corona Lockdown | 21 दिवसांचा लॉकडाऊन संपल्यानंतर काय करावं? पंतप्रधानांनी दिल्या सर्व मुख्यमंत्र्यांना सूचना Corona | सर्वधर्मीय गुरुंना गर्दी न होण्याबाबत आवाहन करा, मुख्यमंत्री ठाकरेंची सूचना, पंतप्रधान म्हणाले...