जगातील सर्वात कमी वेळेचा विमान प्रवास, फक्त 53 सेकंदांसाठी हवेत असतं विमान
World's Shortest Flight Is Only 53 Seconds Long: तुम्हाला जगातील सर्वात लहान विमान प्रवासाबद्दल माहिती आहे का? नाही तर जाणून घ्या
World's Shortest Flight Is Only 53 Seconds Long: तुम्ही आतापर्यंत जगातील सर्वात लांब उडणाऱ्या उड्डाणाबद्दल ऐकले असेल. भारतातून (India) अमेरिकेत (american) किंवा युरोपात गेल्यास अनेक तास विमानाने प्रवास करावा लागतो. तुम्ही मुंबईहून (Mumbai) दिल्लीला (Delhi) विमानाने गेलात तरी किमान दीड ते दोन तास लागतील. मात्र आम्ही बोलत आहोत हा जगातील सर्वात लहान विमान प्रवास आहे. यात विमान टेक ऑफ आणि लँड केल्यानंतर इच्छित ठिकाणी पोहोचण्यासाठी फक्त 53 सेकंद लागतात. यात सर्वात मोठी गोष्ट म्हणजे हे एक व्यावसायिक विमान आहे आणि दररोज अनेक प्रवासी या फ्लाइटची मदत घेऊन एका ठिकाणाहून दुसऱ्या ठिकाणी जातात.
World's Shortest Flight Is Only 53 Seconds Long: विमानातील इतका लहान प्रवास नेमका आहे तरी कुठे?
सीएनएनमध्ये प्रसिद्ध झालेल्या वृत्तानुसार, सुमारे 53 सेकंदांचे हे उड्डाण स्कॉटलंडमध्ये (Scotland) होते. हे विमान स्कॉटलंडच्या दोन बेटांमधून उडते. या दोन्ही बेटांना जोडणारा पूल नसल्याने येथे विमानाच्या मदतीने प्रवास केला जातो. तसेच याच्यामधील समुद्र इतका खडकाळ आहे की, इथं बोट चालवणे देखील खूप कठीण आहे. यामुळे प्रवासी एका बेटावरून दुसऱ्या बेटावर जाण्यासाठी या विमानाची मदत घेतात. हे उड्डाण लोगान एअरद्वारे चालवले जाते, जी गेल्या 50 वर्षांपासून येथे सेवा देत आहे.
World's Shortest Flight Is Only 53 Seconds Long: प्रवासासाठी किती येतो खर्च?
विमानाच्या 53 सेकंदांच्या या सर्वात लहान उड्डाणासाठी दररोज प्रवाशांना सुमारे 14 पौंड खर्च करावे लागतात. जर त्याचे भारतीय रुपयात रूपांतर केले तर ते 1815 च्या आसपास होईल. मात्र स्कॉटलंडच्या (Scotland) मानाने हे भाडे खूपच कमी आहे. येथील सरकार या दोन बेटांवर राहणाऱ्या लोकांना या विमान भाड्यात सबसिडी देते, त्यामुळे या लोकांना कमी भाडे मोजावे लागते. या दोन बेटांवर सुमारे 390 लोक राहतात.
World's Shortest Flight Is Only 53 Seconds Long: या बेटांचे काय आहे नाव ?
यापैकी एका बेटाचे नाव वेस्ट्रे आणि दुसऱ्या बेटाचे नाव पापा वेस्ट्रे आहे. जेथे वेस्ट्रेमध्ये 600 लोक राहतात. तर पापा वेस्ट्रेमध्ये सुमारे 90 लोक राहतात. हे लोक ज्या फ्लाइटने प्रवास करतात ती खूप लहान फ्लाइट आहे आणि एका वेळी फक्त 8 लोक त्यात चढू शकतात. येथे राहणारे बहुतेक लोक पर्यटनातून आपला उदरनिर्वाह करतात. या छोट्या फ्लाइटमध्ये प्रवास करण्यासाठी जगभरातून लोक येतात. तुम्हालाही या छोट्या फ्लाइटच्या प्रवासाचा आनंद घ्यायचा असेल तर त्यासाठी तुम्हाला स्कॉटलंडला (Scotland) जावे लागेल.
महत्त्वाच्या बातम्या
