Viral News : अरेच्चा! सापांची वरमाला घालत बांधली लग्नगाठ, विचित्र लग्नाचा हा व्हिडीओ एकदा पाहाच
Viral Video : एका लग्नात वधू-वरांनी एकमेकांना फुलांची वरमाला घालण्याऐवजी सापांची वरमाला घालून लग्नगाठ बांधली. याचा व्हिडीओ सध्या सोशल मीडियावर व्हायरल होत आहे.
Trending Snakes Garland : आजकाल बहुतेकांना स्वत:चं लग्न अविस्मरणीय बनवण्यासाठी काही ना काही भन्नाट प्रयोग करताना दिसून येतं. सोशल मीडियावर लग्न समारंभातील अनेक व्हिडीओ व्हायरल होत असतात. अनेकांना आपल्या लग्नात काहीतरी हटके करण्याची इच्छा असते. यासाठी अनेक जण वेगवेगळ्या भन्नाट कल्पना सुचवतात. अशाच लग्नातील एक भन्नाट व्हिडीओ सध्या सोशल मीडियावर समोर येत आहे. या व्हायरल व्हिडीओमध्ये वधू-वरांनी एकमेकांना फुलांची वरमाला घालण्याऐवजी सापांची वरमाला घालून लग्नगाठ बांधली आहे.
सध्या व्हायरल होत असलेला हा लग्नाचा जुना व्हिडीओ सध्या सोशल मीडियावर प्रचंड चर्चेत आहे. या व्हायरल व्हिडीओमध्ये वधू-वरांनी एकमेकांना फुलांची वरमाला ऐवजी सापांची वरमाला घालून अनोख्या प्रकारे लग्नगाठ बांधल्याचं दिसत आहे.
तुम्हीही पाहा व्हिडीओ
व्हायरल व्हिडीओ 12 वर्षांपूर्वीचा
रिपोर्ट्सनुसार व्हायरल झालेला लग्नाचा हा व्हिडीओ 12 वर्षांपूर्वी आहे. हे लग्न 2010 मध्ये झाले होते आणि त्याचा व्हिडिओ 5 वर्षांपूर्वी व्हायरल झाला होता. त्याचा व्हिडीओ पुन्हा एकदा इंटरनेटवर व्हायरल झाला आहे. अहवालानुसार, व्हिडीओमध्ये दिसणारा वर सिद्धार्थ सोनवणे (वय 25 वर्ष) आणि त्याची होणारी पत्नी म्हणजे वधू श्रुती औसरमल (23 वर्ष) यांनी सुमारे 12 वर्षांपूर्वी लग्न केलं. लग्न समारंभात एकमेकांना पुष्पहार ऐवजी साप एकमेकांच्या गळ्यात घालून लग्नाचे विधी पूर्ण केले. हे जोडपे महाराष्ट्रातील बीड जिल्ह्यातील एका गावातील आहे. व्हिडीओमध्ये वधू पांढऱ्या रंगाच्या कपड्यांमध्ये दिसत आहे.
व्हायरल व्हिडीओमुळे नेटकरी आश्चर्यचकित
व्हिडीओमध्ये साप गळ्यात घातलेले वधू आणि वर दोघांपैकी कोणीही अजिबात घाबरलेलं दिसत नाहीय. व्हिडीओमध्ये वधूच्या हातात एक लांब साप तर वराच्या हातात एक मोठा अजगर दिसत आहे. रिपोर्टनुसार, पती-पत्नी दोघेही स्थानिक वन्यजीव विभागाचे कर्मचारी आहेत.
इतर बातम्या
महत्त्वाच्या बातम्या
ट्रेंडिंग न्यूज
