Groom In JCB Video : सध्या सगळीकडे लगीनसराई सुरु आहे. यामध्येच आजकाल प्रत्येक नवविवाहित तरूण-तरूणी आपलं लग्न खास आणि संस्मरणीय बनविण्याचा प्रयत्न करतात. यासाठी प्रत्येकजण इतरांपेक्षा आपलं लग्न कसं हटके पद्धतीनं करता येईल हा विचार करतो आणि त्यासाठी कोणतीच कसर सोडत नाही. काही मग कारने एन्ट्री करतात, तर काही ट्रॉलीने. काही वधू पालखीतून येतात तर काही थेट घोड्यावरून येतात. पण, थेट जेसीबीवरून वर लग्नमंडपात पोहोचलेला तुम्ही कधी पाहिलं आहे का? एका वरानेही असंच काहीतरी करण्याचा विचार केला आणि आपल्या वधूला घेण्यासाठी तो थेट जेसीबीवर (JCB) आला. सोशल मीडियावर हा व्हिडीओ मोठ्या प्रमाणात व्हायरल होतोय.
वधूला घेण्यासाठी थेट JCB ने पोहोचला वर
इन्स्टाग्रामवर व्हायरल होत असलेल्या या व्हिडीओमध्ये तुम्ही पाहू शकता की, वर एका सजवलेल्या जेसीबीमध्ये बसला आहे आणि त्याच्या मागे आलिशान वाहनांमध्ये लग्नाची मिरवणूक निघतेय. आपल्या वधूला घेऊन जाण्यासाठी या वराची अनोखी शैली पाहून अनेक लोक थक्क झाले. या वराचं सोशल मीडियावर कौतुकदेखील होत आहे. हा व्हिडीओ पाहिल्यानंतर या वराची रंजक शैली पाहून तुम्हीही विचारात पडाल. आजकाल महागड्या लग्नाच्या ट्रेंडमध्ये हा हटके प्रयत्न वराने केला आहे. वराचा हा प्रयत्न सर्वांनाच फार आवडतोय.
यूजर्सना आवडतोय हा व्हिडीओ :
व्हिडीओमध्ये तुम्ही पाहिलं की हा वर आपल्या नववधूला आलिशान कारऐवजी जेसीबीवर बसून (Groom In JCB) अगदी ऐटीत आपल्या वधूला घेऊन जात आहे. आजूबाजूला तुम्ही पाहू शकता या लग्नातील वराती आलिशान वाहनांतून जात आहेत. यूजर्सना हा व्हिडीओ खूप आवडला असून ते मित्रांबरोबर हा व्हिडीओ शेअर करत आहेत. या अनोख्या व्हिडीओला हजारो व्ह्यूजसह दोन हजारांहून अधिक लाईक्स मिळाले आहेत. आजकाल अनेक लग्न शाही पद्धतीने, मोठ्या थाटामाटात आणि पैशांचा अवाढव्य खर्च करून केले जातात. अशातच हा हटके स्टाईल व्हिडीओने सर्वांनाच आश्चर्यचकित केलं आहे.
महत्त्वाच्या बातम्या :