Viral : माकडाकडून तीन वर्षाच्या चिमुकलीच्या अपहरणाचा प्रयत्न, पुढे काय झालं पाहा...

Viral News : चीनमधील एका धक्कादायक व्हिडीओमध्ये एक माकड एका मुलीला पळवून नेण्याचा प्रयत्न करताना दिसत आहे.

Viral Video

Monekey Viral Video : चीनमधील एक धक्कादायक व्हिडीओ समोर आला आहे. या व्हिडीओमध्ये एक माकड एका तीन वर्षाच्या चिमुकलीला पळवून नेताना दिसत आहे. व्हिडीओमध्ये तुम्हाला दिसेल की, तीन वर्षांची एक मुलगी तिच्या घराबाहेर खेळत होती. तेवढ्यात एक माकड तिथे आलं. त्या माकडाने मुलीला ओढत नेण्याचा प्रयत्न केला. मात्र, मुलीचा आरडाओरडा ऐकून तेथे उपस्थित लोकांनी तिला वाचवले. ही संपूर्ण घटना जवळच लावण्यात आलेल्या सीसीटीव्ही कॅमेऱ्यात कैद झाली आहे. 

व्हिडीओमध्ये दिसत आहे की, मुलगी खेळत असताना एक माकड येऊन तिचे केस पकडण्याचा प्रयत्न करत आहे. ही घटना चीनच्या चोंगकिंग परिसरातील आहे. माकड मुलीला ढकलून खाली पाडतो आणि मग ओढत नेण्याचा प्रयत्न करताना या व्हिडीओमध्ये दिसत आहे. 

दरम्यान, सुदैवाने यावेळी तिथे उपस्थित असलेल्या एका व्यक्तीने मुलीला वाचवले. मुलीला किरकोळ जखमा झाल्या आहेत. मुलीची आई लिऊ यांनी सांगितले की, ती घरात जेवण बनवत असताना ही घटना घडली. सीसीटीव्ही फुटेज पाहिल्यानंतर आईला हा संपूर्ण प्रकार समजला.

याबाबत लिऊ यांनी स्थानिक अधिकाऱ्यांकडे तक्रार केली आहे. मिळालेल्या माहितीनुसार, हे माकड गेल्या मे महिन्यात गावात आले होते. या माकडाने अनेकांवर हल्ला केला आहे. वन्य माकडाची माहिती मिळाली असून त्याला जेरबंद करण्याचे प्रयत्न सुरू असल्याचे अधिकाऱ्यांचे म्हणणे आहे.

महत्त्वाच्या इतर बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha