Gudi Padwa : डोंबिवलीत 150 फुटांची महाकाय गुढी; नववर्ष स्वागतयात्रेत भव्य सांस्कृतिक जल्लोष
Gudi Padwa 2026 : डोंबिवलीत गुढी पाडव्याच्या स्वागतयात्रेत 150 फुटांची भव्य गुढी आकर्षण ठरली. वंदे मातरम् 150 वर्ष आणि RSS शताब्दीवर आधारित चित्ररथांनी वेधलं लक्ष.
ठाणे : गुढीपाडव्याच्या निमित्तानं शहरात काढण्यात आलेल्या नववर्ष स्वागत यात्रेत यंदा नेहरू मैदानात उभारलेली तब्बल 150 फुटांची महाकाय गुढी हे प्रमुख आकर्षण ठरलं. भव्य आणि दिमाखदार स्वरूपात उभारलेली ही गुढी हिंदू संस्कृतीचा आणि नववर्षाच्या मंगल प्रारंभाचा प्रतीक म्हणून डौलात उभी करण्यात आली.
डोंबिवलीतील नववर्ष स्वागतयात्रेचं यंदाचं 28वं वर्ष असून, शहरातील सांस्कृतिक परंपरा जपण्याचा हा उपक्रम असल्याचं सांगण्यात आलं. भाजपचे प्रदेशाध्यक्ष रवींद्र चव्हाण (Ravindra Chavan) यांनी सांगितलं की, “तरुण पिढीला भारतीय संस्कृतीशी जोडून ठेवण्यासाठी ही संकल्पना सुरू करण्यात आली.”
परंपरेचा अभिमान
ही स्वागतयात्रा श्री गणेश मंदिर संस्थान यांच्या माध्यमातून सुरू करण्यात आली. या उपक्रमाचं श्रेय आबासाहेब पटवारी आणि सुधीर जोगळेकर यांना जात असल्याचंही त्यांनी नमूद केलं.
150 फुटांची गुढी
यंदाचं सर्वात मोठं आकर्षण म्हणजे नेहरू मैदानात उभारलेली दीडशे फुटांची गुढी, जी विशाल हिंदुत्व आणि सांस्कृतिक वैभवाचं प्रतीक ठरली. रविंद्र चव्हाण म्हणाले की, “ही गुढी भव्य सांस्कृतिक सोहळ्याचं प्रतीक म्हणून उभारण्यात आली.”
चित्ररथांनी वेधलं लक्ष
त्याच बरोबर डोंबिवलीतील शोभायात्रेत यावर्षी दोन ठळक गोष्टींनी लोकांचे लक्ष वेधले 'वंदे मातरम्' या राष्ट्रगानाचे शतकोत्तरी सुवर्णमहोत्सवी (150वे) वर्ष आणि राष्ट्रीय स्वयंसेवक संघाचे शताब्दी (100वे) वर्ष यावर आधारित डोंबिवलीकर एक सांस्कृतिक परिवाराने 2 चित्ररथ साकारले होते. हे चित्ररथ यंदाच्या स्वागतयात्रेचे विशेष आकर्षण ठरले. या चित्ररथांना डोंबिवलीकरांचा उत्स्फूर्त प्रतिसाद मिळाला.
देशभक्तीवर आधारित उपक्रम
यंदा “क्रांतिकारी देशसेवक” या संकल्पनेवर आधारित वेशभूषा स्पर्धा आयोजित करण्यात आली, ज्यामध्ये 5 वर्षांच्या मुलांपासून 75 वर्षांच्या ज्येष्ठांपर्यंत सर्वांनी सहभाग घेतला. विजेत्यांना 25,000 रुपये, तर उपविजेत्यांना 15,000 रुपये रोख पारितोषिक देण्यात आलं.
डोंबिवलीकरांचा उत्स्फूर्त प्रतिसाद
या सर्व उपक्रमांना नागरिकांचा मोठा प्रतिसाद मिळाला असून, डोंबिवलीच्या सांस्कृतिक परंपरेसोबत राष्ट्रीय भावनेचंही दर्शन यंदाच्या स्वागतयात्रेत घडलं.
ही बातमी वाचा:
Before You Go
Sanjay Raut Vs Devendra Fadnavis Special Report : राऊतांनी डिवचलं, बावनकुळे, फडणवीसांना शुभेच्छा
महत्त्वाच्या बातम्या
