जिओ 4G फीचर फोनचा लाँचिंग मुहूर्त अखेर ठरला!

रिलायन्स जिओचा 4G VoLTE फीचर फोन उद्या म्हणजे 21 जुलैला मुंबईत लाँच केला जाणार आहे. याच दिवशी कंपनीच्या सर्वसाधारण बैठकीचं आयोजन करण्यात आलं आहे.

मुंबई : जिओने एका वर्षाच्या आत 12 कोटांपेक्षा जास्त ग्राहक जोडल्यानंतर रिलायन्स आता आणखी एक धमाका करणार आहे. रिलायन्स जिओचा 4G VoLTE फीचर फोन उद्या म्हणजे 21 जुलैला मुंबईत लाँच केला जाणार आहे. याच दिवशी कंपनीच्या सर्वसाधारण बैठकीचं आयोजन करण्यात आलं आहे. जिओचा हा फोन चायनिज कंपनीकडून बनवला जाईल, असं बोललं जात होतं. मात्र 'इकॉनॉमिक टाइम्स'च्या वृत्तानुसार हा फोन भारतीय बनावटीचा असेल. कारण इंटेक्स कंपनी हा फोन तयार करणार आहे. जो ऑगस्टमध्ये विक्रीसाठी उपलब्ध होईल. जिओचा हा फीचर फोन याच तिमाहीमध्ये लाँच केला जाईल. याबाबत रिलायन्स जिओशी चर्चा झालेली आहे, अशी माहिती इंटेक्स कंपनीने दिली. फीचर्स काय असतील?

• ‘टेक पीपी’च्या लीक रिपोर्टनुसार हा फोन रिलायन्सच्या LYF ब्रँडअंतर्गत येईल. या 4G VoLTE फीचर फोनमध्ये 2.4 इंच आकाराची स्क्रीन असेल.
• 512 MB रॅम
• 4 GB इंटर्नल स्टोरेज
• ड्युअल सिम स्लॉट
• 2 मेगापिक्सेल रिअर कॅमेरा आणि VGA फ्रंट कॅमेरा
• 2000mAh क्षमतेची बॅटरी
• ब्ल्यूटूथ आणि व्हिडिओ कॉलिंग सपोर्ट

काही रिपोर्टनुसार यामध्ये ‘KAI ओएस’ असेल. जे फायरफॉक्सचं कस्टमाईज व्हर्जन आहे. शिवाय यामध्ये हॉटस्पॉट टेदरिंगचाही पर्याय असेल. ज्यामुळे तुम्ही एका फोनवरुन अनेक फोनवर इंटरनेटचा वापर करु शकता. केवळ 500 रुपये किंमत 21 जुलैला लाँच होणाऱ्या या 4G VoLTE फीचर फोनची किंमत 500 रुपये असेल, अशी माहिती आहे. ‘द इकॉनॉमिक टाइम्स’च्या वृत्तानुसार या फोनची किंमत 500 रुपये आहे. जिओच्या फोनची किंमत 500 रुपये असेल, 2G ग्राहकांपर्यंत 4G सेवा पोहचवण्यासाठी ही किंमत ठेवण्यात आली आहे, असं HSBC चे टेलीकॉम अॅनालिस्ट राजीव शर्मा यांनी म्हटलं आहे.

संबंधित बातमी : केवळ 500 रुपये किंमत, जिओच्या 4G फीचर फोनचे नवे फोटो समोर