जिओ 4G च्या निमित्ताने अंबांनींच्या जुळ्या मुलांचं कॉर्पोरेट जगतात पाऊल

नवी दिल्ली: रिलायन्सने आज टेलिकॉम जगतात जिओ 4G च्या निमित्ताने महाक्रांती आणली आहे. मात्र त्याचवेळी रिलायन्स इंडस्ट्रीजचे प्रमुख मुकेश अंबानी यांनी आपल्या जुळ्या मुलांनाही कार्पोरेट जगतात लाँच केलं. मुकेश अंबानींनी 4G च्या निमित्ताने ईशा आणि आकाश या जुळ्या मुलांना कार्पोरेट जगतासमोर आणलं.   रिलायन्सच्या जिओ 4G साठी ईशा आणि आकाश यांनी मेहनत घेतल्याचं सांगण्यात येत आहे.  रिलायन्सच्या या मेगाप्रोजेक्टच्या मागे ईशा आणि आकाश आहेत. जिओ 4G च्या लाँचिंगवेळी मुकेश अंबानी म्हणाले, "जिओ 4G हे तरुणांचं, तरुणांसाठी, तरुणांनी टाकलेलं पाऊल आहे. या टीमचं नेतृत्त्व ईशा आणि आकाश अंबानी करत आहेत".   ईशा आणि आकाश हे ऑक्टोबर 2014 मध्ये जिओ बोर्ड मेंबरचे सदस्य बनले होते. तेव्हापासून हे दोघे जिओ 4G साठी काम करत होते.   रिलायन्सच्या जिओ 4G साठी तब्बल 15 हजार कर्मचारी काम करत आहेत. रिलायन्स जिओ 4G हे लवकरच 90 टक्के इंटरनेट युझर्सपर्यंत पोहोचेल असा विश्वास अंबानींनी व्यक्त केला.   येल युनिव्हर्सिटीतून पदवी 25 वर्षीय ईशा आणि आकाश अंबानीचा जन्म 1991 मध्ये झाला. ईशाने तीचं पदवीचं शिक्षण 'साऊथ एशियन स्टडीज'मध्ये येल युनिव्हर्सिटीतून पूर्ण केलं आहे. त्यानंतर पिता मुकेश अंबानींनी 2014 मध्ये ईशाला रिलायन्स जिओ 4G च्या बोर्ड मेंबरचं सदस्यपद दिलं. आकाश अंबानीकडे इकॉनॉमिक्सची पदवी आकाश अंबानीनेही उच्च शिक्षण घेतलं आहे. आकाशने ब्राऊन युनिव्हर्सिटीतून अर्थशास्त्र अर्थात इकॉनॉमिक्सची पदवी मिळवली आहे. त्यानंतर आकाशला मुकेश अंबानींनी रिलायन्स जिओ आणि रिलायन्स रिटेल बोर्डचं सदस्यत्व दिलं.   रिलायन्स जिओच्या ऑफर्स : *19 रुपयांत एका दिवसाचं इंटरनेट (किती डेटा मिळणार याचा उल्लेख नाही) *999 रुपयात 10 GB डेटा – रात्री अनलिमिटेड 4G *1499 रुपयात 20 GB डेटा- रात्री अनलिमिटिड 4G *2499 रुपयात 35 GB डेटा- रात्री अनलिमिटिड 4G *3999 रुपयात 60 GB डेटा- रात्री अनलिमिटिड 4G *4999 रुपयात 75 GB डेटा- रात्री अनलिमिटिड 4G   रिलायन्स जिओ 4G च्या प्लानवर एक नजर

• 5 सप्टेंबर रोजी लाँचिंग
• आयुष्यभरासाठी आऊटगोईंग कॉलिंग फ्री, STD, लोकल कॉल लाईफटाईम फ्री
• डिसेंबरपर्यंत डेटा मोफत, त्यानंतर केवळ 50 रुपयात 1GB 4G डेटा
• आयुष्यभरासाठी रोमिंग फ्री
• डेटाच्या दरात कॉलिंग फ्री, फक्त इंटरनेट डेटाचे पैसा भरावे लागणार
• 18,000 शहरं आणि 2 लाख गांवांपर्यंत जिओची सुविधा
• मार्च 2017 पर्यंत 90 टक्के जनतेपर्यंत जिओ पोहचवण्याचा मानस
• विद्यार्थ्यांसाठी 25 टक्के वाढीव डेटा
• 30 हजार शाळांमध्ये मोफत वायफाय
• जिओ जगातील सर्वात स्वस्त डेटा देणार
• ब्लॅकआऊट डे नाही म्हणजे सण, उत्सवाला SMS, कॉल दर वाढणार नाही.
• जिओवर टीव्ही, सिनेमा आणि मासिकं पाहण्याची सोय
• 300 चॅनल लाइव्ह पाहण्याची सुविधा
• 15 हजार रुपयांचं अॅप सब्स्क्रिप्शन अॅक्टिव्ह यूझर्ससाठी फ्री
• 3 हजार रुपयात जिओ 4G मोबाइल फोन
• आंतरराष्ट्रीय रोमिंग रेट सर्वात स्वस्त

  संबंधित बातम्याः रिलायन्स जिओ 4G बाबत सर्व काही एकाच क्लिकवर रिलायन्स जिओचा धमाका, लाईफ-टाईम फ्री कॉलिंग, 50 रुपयात 1GB 4G डेटा रिलायन्स जिओचा धुमाकूळ, कार्ड घेण्यासाठी रात्री 2 वाजल्यापासून रांगा रिलायन्स जिओ सिम खरेदी करा आणि 3 महिन्यांपर्यंत फ्री इंटरनेट, कॉल, मेसेज मिळवा Reliance Jio: अवघ्या 93 रुपयात मिळणार 10 जीबी 4G डेटा!