Nothing phone 1 : नथिंग ब्रँडचा पहिला स्मार्टफोन उद्या होणार लॉन्च, जाणून घ्या किंमत आणि फिचर्स  

Nothing Phone 1 : नथिंग फोन 1  (Nothing Phone 1) उद्या लॉन्च होत आहे. नथिंग हे ब्रॅंड  OnePlus चे माजी सहसंस्थापक कार्ल पेई यांच्या मालकीचे आहे. मोबाईल प्रेमी गेल्या अनेक दिवसांपासून या फोनच्या प्रतिक्षेत होते.

Nothing phone 1

Nothing Phone 1 : नथिंग ( Nothing ) ब्रँडचा पहिला स्मार्टफोन नथिंग फोन 1  (Nothing Phone 1) उद्या लॉन्च होत आहे. नथिंग हे ब्रॅंड  OnePlus चे माजी सहसंस्थापक कार्ल पेई यांच्या मालकीचे आहे. मोबाईल प्रेमी गेल्या अनेक दिवसांपासून या फोनच्या प्रतिक्षेत होते. नथिंग फोन 1 ची रॅम्प (RAM) 8GB  असून स्टोरेज 128GB आहे. या फोनची किंमत 34,999 रुपये असून या फोनचे फिचर्स भन्नाट आहेत.         

राहूल शाह नावाच्या एका यूजर्सने या फोनचे काही फोटो त्याच्या ट्विटर अकाऊंटवरून शेअर केले आहेत. द नथिंग फोन 1 हा आयफोनपेक्षा अधिक आलिशान फोनसारखा दिसतो. शिवाय इन-डिस्प्ले फिंगरप्रिंट सेन्सरसह 6.5 इंच 120Hz OLED डिस्प्ले असणार आहे.  

नथिंग फोन 1 चे कॅमेरा फिचर्स देखील भन्नाट आहे. फोनचा मागील कॅमेरा 50MP + 16MP ड्युअल   सेटअप आहे. तर समोरील कॅमेरा 16MP आहे. शिवाय फोनच्या मागील बाजूस एक लाल एलईडी इंडिकेटर आहे. हा इंडिकेटर व्हिडीओ रेकॉर्डिंग चालू केल्यानंतर चमकतो.  

Phone (1) has 2 exceptional cameras.

But it’s better to show you what it can do. So we gave Phone (1) to the team here.

See the results for yourself here: https://t.co/wxgEVyxeYG pic.twitter.com/jBEF5uwEa5

— Nothing (@nothing) July 8, 2022

नथिंग फोन  1 ची बॅटरी देखील जास्त काळ टिकते. कारण या फोनची बॅटरी 4500mAh आहे. शिवाय ही बॅटरी वायरलेस चार्जिंगला सपोर्ट करते. या फोनमध्ये 45W वायर्ड चार्जिंगचा देखील समावेश आहे. मात्र त्यासाठी चार्जर वेगळा म्हणजे स्वतंत्रपणे खरेदी करावा लागेल.  

नथिंग फोन 1 या स्मार्टफोनला 120Hz रिफ्रेश रेटसह OLED पॅनल देण्यात आले आहे. यात ऑक्टा-कोर क्वालकॉम स्नॅपड्रॅगन 778G+ प्रोसेसर देखील देण्यात आला आहे.