Google Search Engine Down : गूगल डाऊन; पण काहुन? कंपनीला कळेचना, नेटकरी त्रस्त, ट्विटरवर मीम्सचा पाऊस

Google Search Engine Down : गूगल सर्च इंजिन डाऊन झाल्यामुळे अनेकांना समस्यांचा सामना करावा लागला होता. काही युजर्सनी गूगलवर स्क्रिन शॉर्ट शेअर करुन प्रतिक्रिया दिल्या आहेत.

Google Search Engine Down

Google Search Engine Down : नेटकऱ्यांचं लोकप्रिय सर्च इंजिन असलेलं Google डाऊन झालं आणि काही काळासाठी अनेकांचं काम ठप्प झालं. मंगळवारी म्हणजेच, 9 ऑगस्टच्या सकाळी जवळपास 7 वाजता जगभरात सर्च इंजिन गूगल (Google) तब्बल 10 मिनिटांसाठी डाऊन झालं होतं. दरम्यान, कंपनीकडून तात्काळ याप्रकाराची दखल घेण्यात आली. त्यानंतर काही काळातच गुगलच्या सेवा पुन्हा पूर्ववत करण्यात आल्या. त्याच वेळी, सेवा अचानक बंद झाल्यामुळे, जागतिक स्तरावर अनेक वापरकर्त्यांना समस्यांना सामोरं जावं लागलं. मात्र, गूगल डाऊन होण्याचं कारण अद्याप समजू शकलेलं नाही. 

गूगल डाऊन झालं त्यावेळी अनेक युजर्सना सर्च करताना समस्यांचा सामना करावा लागत होता. त्यावेळी युजर्सना स्क्रिनवर 500 That’s an error मेसेज दिसत होता. गूगल युजर्स वेगवेगळ्या सोशल मीडिया प्लॅटफॉर्म्सवर सर्च करताना येणाऱ्या एररचे स्क्रिनशॉर्ट्स शेअर करत आहेत. 

नेटकऱ्यांकडून Twitter वर पाऊस 

गूगल डाऊन होताच नेटकऱ्यांची ट्विटरवर वेगवेगळ्या पोस्ट आणि मीम्स पोस्ट करण्यास सुरुवात झाली. अनेकांनी मीम्स शेअर करत गुगलची फिरकीही घेतली. काही युजर्सनी ट्विटरवर गूगल सर्च इंजिनचे स्क्रिन शॉर्ट्स शेअर करण्यास सुरुवात केली. रेयान बेकर नावाच्या एका युजरनं म्हटलं की, "पहिल्यांदा गूगल सर्च इंजिन डाऊन होताना पाहिलं आहे. असं कधीच पाहिलं नव्हतं." 

Had a Google search engine error for the first time ever. The engine was totally down. It's so rare the first thing I did was come to Twitter to see if anything major is going on with the web. Conspiracy theories here we come! #google #error

— Ryan Baker (@RyanBakerSLO) August 9, 2022

एका युजरनं फिरकी घेत विचारलं की, "तुमचंही गूगल डाऊन आहे की, हे फक्त माझ्यासोबतच होत आहे?"

google is down or its just me lol? pic.twitter.com/btBxfUj51Z

— Ahmed khaled (@Ahmedkh62487135) August 9, 2022

Bowjiden नावाच्या एका युजरनं म्हटलं की, मी कधी स्वप्नातही विचार करु शकत नाही की, माझ्या आयुष्यात मी गूगल डाऊन झालेलं पाहिलंय. जर हे होऊ शकतं, तर उद्या काहीही होऊ शकतं."

I NEVER THOUGHT IN MY LIVE, I WOULD SEE @Google DOWN LMAO #googledown #Google pic.twitter.com/X5hNohY7Ss

— BoeJiden (@ChidikeNwankwo) August 9, 2022

एका युजर्सनं म्हटलं की, "आम्ही गूगल करु शकत नाही, गूगल का डाऊन झालंय? हा या जगाचा अंत तर नाही?". तर पुढे एका युजरनं म्हटलंय की, "आता Yahoo चे CEO खूप होतील, कारण त्यांच्या साईटवर ट्रॅफिक येत असेल. चला आज कोणाच्यातरी आयुष्यात आनंद आला."

I want to google whether google is down, but google is down, so what now?

— sparkles (@sparklesonline) August 9, 2022