26 जानेवारीच्या निमित्ताने BSNL च्या तीन खास ऑफर

मुंबई : दूरसंचार कंपन्यांच्या स्पर्धेमध्ये सध्या ग्राहकांना दररोज नवनवीन ऑफर मिळत आहेत. आता बीएसएनएलनेही प्रजासत्ताक दिनाच्या निमित्ताने प्रीपेड ग्राहकांसाठी तीन ऑफर्स आणल्या आहेत. 26 रुपयांमध्ये ग्राहकांना बीएसएनएल नेटवर्कवर 26 तासांसाठी अनलिमिटेड व्हॉईस कॉलिंगचा आनंद घेता येईल. तर उर्वरित दोन प्लॅन टॉकटाईम ऑफर आहेत. बीएसएनएलचे संचालकीय व्यवस्थापक अनुपम श्रीवास्तव यांनी ही माहिती दिली आहे. 26 रुपयांची ऑफर 25 ते 31 जानेवारी दरम्यान चालू असेल. तर 'कॉम्बो 2601' या ऑफरमध्ये ग्राहकांना दीडपट म्हणजे 3 हजार 900 रुपये टॉकटाईम मिळेल. 2 हजार 600 रुपये मुख्य अकाऊंटमध्ये जमा होतील, तर 1300 रुपये दुसऱ्या अकाऊंटमध्ये जमा होतील. मुख्य अकाऊंटमधील टॉकटाईम वापरण्यासाठी कोणतीही व्हॅलिडिटी नसेल. मात्र 1300 रुपये तीन महिन्यांमध्ये वापरावे लागतील. 'कॉम्बो 6801' या ऑफरमध्ये ग्राहकांना दुप्पट टॉकटाईम मिळणार आहे. मुख्य खात्यात 6 हजार 800 रुपये, तर एवढीच रक्कम दुसऱ्या अकाऊंटमध्ये जमा होईल. या दोन्हीही ऑफरचा लाभ 26 जानेवारी ते 31 मार्च या काळात घेता येणार आहे. https://twitter.com/BSNLCorporate/status/823783248945934336 बीएसएनएलने काही दिवसांपूर्वी नव्या ग्राहकांसाठी 149 रुपयात कोणत्याही नेटवर्कवर दररोज 30 मिनिट व्हॉईस कॉलिंगची ऑफर दिली आहे. 30 दिवसांसाठी ही ऑफर असेल.