आयफोन 8 सोबत आयफोन 7s लाँच होणार, फोटो व्हायरल

इंटरनेटवर सध्या आयफोन 7 एसच्या डमी मॉडेलचे फोटो लीक झाले आहेत. ‘द व्हर्ज’च्या वृत्तानुसार आगामी आयफोन 7 एसमध्ये वायरलेस चार्जिंग फीचर देण्यात येणार आहे.

मुंबई : अॅपलचा आगामी फोन आयफोन 8 सोबत आयफोन 7 चं नवीन अपडेटेड व्हर्जन आयफोन 7 एस देखील लाँच होणार असल्याची माहिती आहे. इंटरनेटवर सध्या आयफोन 7 एसच्या डमी मॉडेलचे फोटो लीक झाले आहेत. ‘द व्हर्ज’च्या वृत्तानुसार आगामी आयफोन 7 एसमध्ये वायरलेस चार्जिंग फीचर देण्यात येणार आहे. सध्या आयफोन 8 ची बाजारात जोरदार चर्चा सुरु आहे. मात्र त्यातच आयफोन 7 एस विषयी अनेक वृत्त समोर आले आहेत. अॅपल पुढील महिन्यात तीन फोन लाँच करण्याची शक्यता आहे. आयफोन 8 च्या स्क्रीनचा आकार 5.8 इंच असेल. तर बॉडी आयफोन 7 एवढीच असेल. मात्र आयफोन 7 मध्ये 4.7 इंच आकाराची स्क्रीन देण्यात आली होती. दरम्यान आयफोन 8 मध्ये इन-स्क्रीन फिंगरप्रिंट सेन्सर देण्यात येईल का, याबाबतचा सस्पेंस अजून कायम आहे.