एक्स्प्लोर

हृदयद्रावक! तिरुपतीच्या दर्शनाला गेलेल्या गाडीला अपघात, सोलापुरातील चार तरुणांचा मृत्यू

देवदर्शनाला गेलेल्या गाडीला अपघात झाल्यामुळे सोलापुरातील चार तरुणांचा मृत्यू झाल्याची हृदयद्रावक घटना घडली आहे.

Written By : आफताब शेख, एबीपी माझा | Edited By: नामदेव कुंभार | Updated at : 25 Jan 2023 07:56 PM (IST)

Four Maharashtra Solapur devotees dies after car hits divider in Tirupati हृदयद्रावक! तिरुपतीच्या दर्शनाला गेलेल्या गाडीला अपघात, सोलापुरातील चार तरुणांचा मृत्यू

Accident

Solapur Local News Updates : देवदर्शनाला गेलेल्या गाडीला अपघात झाल्यामुळे सोलापुरातील चार तरुणांचा मृत्यू झाल्याची हृदयद्रावक घटना घडली आहे. तिरुपती बालाजीचं दर्शन घेऊन परतत असताना आज दुपारी अपघात झाला. यामध्ये चार जणांचा मृत्यू झाला आहे. तर चार जण गंभीर जखमी आहेत, त्यांच्यावर जवळील रुग्णालयात उपचार सुरु आहेत.

तिरुपती येथील बालाजीच्या दर्शनाला गेलेल्या सोलापुरातील तरुणांच्या गाडीला बुधवारी अपघात झाला. या भीषण अपघातात चार तरुणांचा जागीच मृत्यू तर चार तरुण गंभीर जखमी असल्याची माहिती मिळाली आहे. तिरुपती बालाजीचे दर्शन घेऊन परतत असताना आज दुपारी गाडी डिव्हायडरला धडकून अपघात झाला होता. तिरुपती जिल्ह्यातील चंद्रगिरी मंडळात भीषण अपघात झाला आहे. अपघातात मयत आणि गंभीर जखमी असलेले सर्व तरुण हे सोलापुरातील रहिवासी असल्याची माहिती मिळाली आहे. दरम्यान जखमींना तिरुपती येथील तिरुपती रुईया रुग्णालयात उपचारासाठी दाखल करण्यात आलं आहे. या अपघातानंतर तरुणांच्या कुटुंबामध्ये दु:खाचं वातावरण आहे.

आणखी वाचा :

Aurangabad News : पोटच्या मुलीला मोबाइलवर अश्लील व्हिडीओ दाखवून केला विनयभंग; नराधम बापास दीड वर्ष सक्तमजुरी

About the author आफताब शेख, एबीपी माझा

आफताब शेख हे एबीपी माझा वृत्त वाहिनीत सिनिअर करस्पॉन्डट म्हणून कार्यरत आहेत. मागील 9 वर्षांपासून एबीपी माझाच्या माध्यमातून कार्यरत असून आपल्या संवेदनशील आणि निष्पक्ष पत्रकारितेने त्यांनी स्वतंत्र ओळख निर्माण केली आहे. 3 जुलै 2017 रोजी मुंबई येथील एबीपी माझाच्या मुख्य कार्यालयातून त्यांनी पत्रकारितेच्या प्रवासाला सुरुवात केली. फेब्रुवारी 2019 पासून ते सोलापूर येथे सिनिअर करस्पॉन्डन्ट म्हणून कार्यरत आहेत. सध्या ते सोलापूर श्रमिक पत्रकार संघाचे सरचिटणीस म्हणूनही जबाबदारी सांभाळत आहेत.

सोलापूरच्या राजकीय घडामोडींपासून सामाजिक, शैक्षणिक, प्रशासकीय, औद्योगिक, मनोरंजन, क्रीडा आणि व्यावसायिक क्षेत्रांतील महत्त्वाच्या विषयांना त्यांनी एबीपी माझाच्या माध्यमातून राज्यस्तरीय व्यासपीठ मिळवून दिले आहे. ‘कामगारांचे शहर‘ म्हणून ओळखल्या जाणाऱ्या सोलापूरमधील कामगारांचे प्रश्न, सर्वसामान्य नागरिकांच्या समस्या आणि उपेक्षित घटकांचा आवाज शासनदरबारी पोहोचवण्याचा त्यांचा सातत्यपूर्ण प्रयत्न राहिला आहे. बहुभाषिक आणि समृद्ध सांस्कृतिक वारसा लाभलेल्या सोलापूरचा इतिहास, परंपरा आणि वर्तमानही त्यांनी आपल्या वार्तांकनातून प्रभावीपणे मांडले आहे. कोरोना काळात कोविड वॉर्डमध्ये प्रत्यक्ष जाऊन रुग्णांच्या व्यथा आणि आरोग्य व्यवस्थेतील वास्तव समोर आणला तर महापूर-दुष्काळातील रिपोर्ट्समधून त्यांनी आपल्या संवेदनशील पत्रकारितेचा प्रत्यय दिला. सोलापूरसह मुंबई, पुणे, धाराशिव, लातूर, बीड, नांदेड आणि छत्रपती संभाजीनगर जिल्ह्यांतही त्यांनी वार्तांकन केले आहे.

त्यांनी सोलापूरच्या दयानंद कला व शास्त्र महाविद्यालयातून कला शाखेची पदवी, तर मुंबई विद्यापीठातून मास्टर ऑफ मास कम्युनिकेशन अँड जर्नलिझम ही पदव्युत्तर पदवी प्राप्त केली आहे. पत्रकारितेसोबतच सामाजिक कार्याचीही त्यांना विशेष आवड आहे. महाविद्यालयीन जीवनातील सामाजिक योगदानासाठी 2016 मध्ये तत्कालीन राष्ट्रपती प्रणव मुखर्जी यांच्या हस्ते त्यांना इंदिरा गांधी राष्ट्रीय सेवा योजना पुरस्काराने (Indira Gandhi NSS Award-2016) सन्मानित करण्यात आले. याशिवाय, पत्रकारितेतील योगदानासाठी त्यांना विविध संस्था आणि संघटनांकडून अनेक पुरस्कारांनी गौरविण्यात आले आहे.

Published at : 25 Jan 2023 07:56 PM (IST)

Tags :

Solapur Tirupati Accident 'Maharashtra