Dhananjay Mahadik : आणि धनंजय महाडिकांनी थेट रस्त्यावर राजू शेट्टींच्या पाया पडून आशीर्वाद घेतला !

खासदार धनंजय महाडिक (Dhananjay Mahadik) आणि स्वाभिमानी शेतकरी संघटनेचे अध्यक्ष राजू शेट्टी हे कराडमध्ये आमनेसामने आले. यावेळी महाडिक यांनी राजू शेट्टी यांच्या पाया पडून आशीर्वाद घेतला. 

महाडिक यांनी राजू शेट्टी यांच्या पाया पडून आशीर्वाद घेतला. 

Dhananjay Mahadik : नवनिर्वाचित राज्यसभा खासदार धनंजय महाडिक कोल्हापूरच्या दिशेने येत असतानाच कराडमध्ये पुणे बंगळूर राष्ट्रीय महामार्गावर एक वेगळाच प्रसंग पहायला मिळाला. खासदार धनंजय महाडिक आणि स्वाभिमानी शेतकरी संघटनेचे अध्यक्ष राजू शेट्टी हे आमनेसामने आले. यावेळी महाडिक यांनी राजू शेट्टी यांच्या पाया पडून आशीर्वाद घेतला. 

कराडमधील हॉटेल पंकजमध्ये नवनिर्वाचित खासदार धनंजय महाडिक यांचे स्वागत करण्यात आले. यावेळी कार्यकर्त्यांना भेटून बाहेर पडत असतानाच स्वाभिमानी शेतकरी संघटनेचे अध्यक्ष राजू शेट्टी हॉटेलच्या दिशेने निघाले होते. राजू शेट्टी हे गाडीतून खाली उतरताच धनंजय महाडिक सुद्धा आपल्या गाडीतून तत्काळ खाली उतरले राजू शेट्टी यांच्या पाया पडले आणि आशीर्वाद घेतला.

धनंजय महाडिक खासदार झाल्याचा आनंद

यावेळी राजू शेट्टी यांनी बोलताना सांगितले की, राज्यसभा निवडणुकीत आमच्या जवळचा व जिल्ह्यातील उमेदवार निवडून आल्याने आनंद आहे. धनंजय हे आमचे मित्र आहेत. एका मित्राचा विजय झाल्याने आनंद आहे. 

महाडिकांचा दबदबा पुढील 100 वर्ष राहील

दरम्यान, कराडमध्ये बोलताना धनजंय महाडिक यांनी संघर्ष पाचवीलाच पुजला असल्याचे म्हणाले. राज्यात महाविकास आघाडी सरकार 2019 मध्ये अस्तित्वात आलं असलं, तरी हे तिन्ही पक्ष महाडिकांविरुद्ध कोल्हापूर लढल्याचे त्यांनी सांगितले. कोल्हापूरमध्ये भाजपचा एकही आमदार खासदार नाही, महापालिकेत सत्ता नाही, जिल्हा परिषदेत सत्ता होती, पण ती आता नाही. त्यामुळे सर्व सत्तास्थाने परत मिळवण्यासाठी प्रयत्न करणार असल्याचे ते म्हणाले. महाडिकांचा दबदबा कालही होता, आजही आहे आणि पुढील 100 वर्ष राहिल असे सांगत त्यांनी पालकमंत्री सतेज पाटील यांना एकप्रकारे जाहीर इशारा दिला आहे. त्यामुळे जिल्ह्याच्या राजकारणाची दिशा स्पष्ट झाली आहे.

इतर महत्त्वाच्या बातम्या