Sangram Jagtap & Ajit Pawar: अजितदादांनी कान टोचल्यावर संग्राम जगतापांनी बीडच्या हिंदुत्त्ववादी मोर्चाला जाण्याचा निर्णय फिरवला, आता तातडीने मुंबईला हजर होणार
Sangram Jagtap : संग्राम जगताप हे अजित पवारांच्या आदेशाला जुमानत नसल्याचे वारंवार दिसून येत आहे. अशातच सातत्याने वादग्रस्त वक्तव्य करणारे जगताप हे आज अजित पवार यांची भेट घेणार असल्याची शक्यता आहे.
अहिल्यानगर: राष्ट्रवादी काँग्रेस (NCP) अजित पवार पक्षाचे अहिल्यानगरमधील आमदार संग्राम जगताप (Sangram jagtap) सध्या त्यांच्या प्रखर हिंदुत्ववादी भूमिकेने चर्चेत आहेत. शिव, शाहू, फुले, आंबेडकर यांच्या विचारांनी चालणारा सर्व जाती धर्माला सोबत घेऊन जाणारा आपला पक्ष असल्याचे पक्षाचे नेते अजित पवार (Ajit pawar) वारंवार जाहीर सभांमधून सांगत असले तरीही संग्राम जगताप हे अजित पवारांच्या आदेशाला जुमानत नसल्याचे वारंवार दिसून येत आहे. अशातच सातत्याने वादग्रस्त वक्तव्य करणारे आमदार संग्राम जगताप हे आज उपमुख्यमंत्री अजित पवार (Ajit pawar) यांची भेट घेणार असल्याची शक्यता आहे. तर दुसरीकडे अजितदादांनी कान टोचल्यावर संग्राम जगतापांनी आजच्या बीडच्या हिंदुत्त्ववादी मोर्चाला जाण्याचा निर्णय फिरवला असल्याचे बोललं जात आहे.
दरम्यान, गेल्या काही दिवसांपूर्वी आमदार संग्राम जगताप यांनी एक वादग्रस्त वक्तव्य केल होत. या वक्तव्याच्या संदर्भात पक्षाची भूमिका अजित पवार यांनी मांडली होती. तर आमदार संग्राम जगताप यांना प्रदेशाध्यक्ष सुनील तटकरे यांच्याकडून नोटीस देखील बजावण्यात आली होती. त्यामुळे आजच्या भेटीत संग्राम जगताप हे उपमुख्यमंत्री अजित पवार यांना काय स्पष्टीकरण देणार हे पाहणं महत्वाचं ठरणार आहे.
मिळालेल्या माहितीनुसार, संग्राम जगताप बीडच्या मोर्चाला जाणार नाहीये. राष्ट्रवादी काँग्रेस अजित पवार पक्षाच्या आज बैठकांचं सत्र सुरु असून प्रदेशाध्यक्ष सुनील तटकरे यांच्या उपस्थितीत आज दुपारी पक्षांतर्गत बैठक देखील संपन्न होणार आहे. तर संध्याकाळी पाच वाजता अजित पवार यांच्या उपस्थितीत जिल्हा अध्यक्षांची वरळी डोम इथे बैठक होणार आहे. त्यानंतर अजित पवार यांच्या उपस्थितीत आमदारांची बैठक होईल. या बैठकीत आमदार संग्राम जगताप हे उपमुख्यमंत्री अजित पवार (Ajit pawar) यांची भेट घेणार असल्याची दाट शक्यता आहे.
Sangram Jagtap: एका निवडणुकीने संग्राम जगतापांचा पॅटर्न बदलला, प्रखर हिंदुत्त्वाची कास धरली
राष्ट्रवादी अजित पवार गट महायुतीमध्ये सहभागी झाला. राष्ट्रवादी पक्ष तसा पुरोगामी विचारांचा असला तरी कट्टर हिंदुत्ववादी असलेल्या महायुतीमध्ये सहभागी झाल्यानंतर राष्ट्रवादी काँग्रेसमध्येही बदल झालेला पाहायला मिळतोय. अहिल्यानगर येथील आमदार संग्राम जगताप यांनी प्रखर हिंदुत्ववादी अशी ओळख निर्माण केली आहे, मागील काही महिन्यांपासून संग्राम जगताप हिंदुत्वाबद्दल आक्रमक झालेले पाहायला मिळत आहेत. नगर शहरामध्ये दबदबा असलेल्या संग्राम जगताप यांची आमदारकीची तिसरी टर्म आहे.
आमदार संग्राम जगताप यांनी प्रखर हिंदुत्ववादी भूमिका घेतल्याने राष्ट्रवादी अजित पवार गटातील काही पदाधिकारी आणि कार्यकर्ते नाराज झाल्याचे चित्र देखील समोर आले. यावर पदाधिकाऱ्यांनी अजितदादा यांच्यामार्फत संग्राम जगताप यांना समज देण्याचा प्रयत्न झाला. मात्र, संग्राम जगताप यांनी आपली भूमिका आजही कायम ठेवली आहे.
आणखी वाचा
महत्त्वाच्या बातम्या
