Sangli Crime : सांगलीतील संजयनगर भागात एका अल्पवयीन मुलीवर लैंगिक अत्याचार करण्यात आल्याचा प्रकार उघडकीस आला होता. दरम्यान, यानंतर अल्पवयीन मुलीवर लैगिंक अत्याचार करणाऱ्या आरोपीच्या घराची जमावाकडून तोडफोड करण्यात आली आहे. तसेच अत्याचार झालेल्या सार्वजनिक शौचालयाची देखील संतप्त झालेल्या जमावाने तोडफोड केली आहे. 28 वर्षीय तरुणाने 9 वर्षाच्या मुलीवर ब्ल्यू फिल्म दाखवून लैगिंक अत्याचार केला होता. त्यानंतर संजयनगर भागातील नागरिक संतप्त झाले होते. आरोपी तरुणास संजयनगर पोलिसांनी अटक करत आरोपींवर पोस्को अंतर्गत गुन्हा दाखल केलाय.
महाविद्यालयीन तरुणीची छेड, संतप्त तरुणींकडून कंडक्टरला चोप
महाविद्यालयीन विद्यार्थिनीची बस कंडक्टरने छेड काढल्याचा प्रकार घडल्यानंतर संतप्त झालेल्या तरुणींनी कंडक्टरला चोप दिलाय. रत्नागिरीमधील दापोली येथे हा प्रकार घडलाय. दापोली पंचंनदी बसमध्ये चढलेल्या महाविद्यालयीन विद्यार्थिनीची छेडछाड केल्यामुळे विद्यार्थिनींनी आक्रमक पवित्रा घेतला. बस थांबवून कंडक्टरला चोप दिल्यामुळे दाभोळमध्ये ग्रामस्थांची मोठी गर्दी जमली होती. कंडक्टरला मारहाण करतानाचा व्हिडिओ आला समोर आला असून सोशल मीडियावर व्हायरल होताना दिसत आहे. दरम्यान कंडक्टरविरोधात दापोली पोलीस ठाण्यात तक्रार दाखल करण्यात आली आहे.
लातूरात भरचौकात दोघांना भोसकले, एकाचा मृत्यू ,एक जण गंभीर जखमी
किरकोळ कारणामुळे झालेल्या बाचाबाचीत केलेल्या चाकू हल्यात एकाचा मृत्यू झाला आहे, तर एक जण गंभीर जखमी झाला आहे. मोहसीन मैन्नोद्दीम सय्यद (वय 21 रा. खुब्बा नगर लातूर) असे मृत्यू झालेल्या तरुणाचे नाव आहे. तर अरबाज गफूर पठाण (वय 21 रा. खुब्बा नगर लातूर) हा गंभीर जखमी आहे. हॉटेलमध्ये जेवण करून निघालेल्या तरुणांनी दुचाकीला कट मारल्याच्या कारणावरून झालेल्या किरकोळ बाचाबाचीत एका तरुणाने दोघांवर सपासप वार केल्याची घटना लातूरमध्ये घडली. या प्रकरणी गांधी चौक पोलीस ठाण्यात गुन्हा दाखल करण्यात आला आहे. पोलीस पुढील तपास करत आहेत.
इतर महत्त्वाच्या बातम्या