Sangli Crime News: सांगलीतून एक धक्कादायक बातमी समोर आली आहे. सांगलीमध्ये कॉलेज कॉर्नर भागामध्ये एका महाविद्यालयीन युवतीवर चाकू हल्ला (Crime News) झाल्याची घटना समोर आली आहे. युवतीच्या पतीनेच तिच्यावरती चाकूने हल्ला केला यावेळी हातावरती वार केल्याची माहिती समोर आहे. काही दिवसांपुर्वी या दोघांचा प्रेमविवाह झाला होता.
या हल्ल्यामध्ये युवतीच्या हाताला गंभीर दुखापत (Sangli Crime News) झाल्याची माहिती समोर आली आहे. युवती कॉलेजला जात असताना तिच्यावरती हा हल्ला झाला आहे,अशी माहिती समोर आली आहे. युवतीच्या हाताला गंभीर दुखापत झाली आहे. युवतीच्या पतीने तिच्यावर हल्ला का केला याबाबतची माहिती अद्याप कळू शकलेली नाही.
सांगलीतील गुन्हेगारीत वाढ
सहा महिन्याच्या काळात सांगलीत 26 खून झाले (Sangli Crime News) आहेत. तर बलात्काराचे 68 गुन्हे नोंदवण्यात आले आहेत. 2 दरोडे, 31 जबरी चोऱ्या आणि दीडशे घरफोड्या झाल्या आहेत. हे आकडे पोलिस यंत्रणेचे अपयश अधोरेखित करीत आहेत.