Ram Charan - Upasana : मुलगी झाली हो! राम चरणच्या घरी छोट्या परीचं आगमन

Ram Charan - Upasana : राम चरण आणि उपासनाच्या घरी छोट्या परीचं आगमन झालं आहे.

Ram Charan - Upasana

Ram Charan - Upasana : दाक्षिणात्य सुपरस्टार राम चरण (Ram Charan) आणि उपासना (Upasana) यांच्या घरी छोट्या परीचं आगमन झालं आहे. हैदराबादमधील अपोलो रुग्णालयात उपासनाला दाखल करण्यात आले होते. आता रुग्णालयाने मुडिकल बुलेटीनच्या माध्यमातून 20 जून 2023 रोजी राम चरण आणि उपासनाला मुलगी झाल्याचं जाहीर केलं आहे. 

'आरआरआर' फेम दाक्षिणात्य सुपरस्टार राम चरण आज बाबा झाला आहे. अभिनेत्याने खास पोस्ट शेअर करत चाहत्यांना गोड बातमी दिली आहे. उपासनाने 20 जून 2023 रोजी एका गोंडस मुलीला जन्म दिला आहे. लग्नाच्या 11 वर्षांनंतर राम चरण आणि उपासना आई-बाबा झाले आहेत. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Ram Charan (@ram_konidela)

राम चरण आणि उपासनाला चाहत्यांकडून शुभेच्छांचा वर्षाव

उपासनाला सोमवारी हैदराबादमधील अपोलो रुग्णालयात दाखल करण्यात आलं होतं. आता आज तिने एका गोड मुलीला जन्म दिला आहे. राम चरण आणि उपासना आई-बाबा झाल्याची आनंदाची बातमी वाऱ्यासारखी पसरत आहे. चाहते सोशल मीडियाच्या माध्यमातून राम चरण आणि उपासनाला शुभेच्छा देत आहेत. तसेच अनेक सेलिब्रिटींनीदेखील कमेंट्स करत त्यांना शुभेच्छा दिल्या आहेत. 

राम चरण आणि उपासना 14 जून 2012 रोजी लग्नबंधनात अडकले होते. त्यानंतर गेल्यावर्षी राम चरणने एक खास पोस्ट शेअर करत चाहत्यांना आनंदाची बातमी दिली होती. त्याने लिहिलं होतं,"राम चरण आणि उपासना आपल्या पहिल्या बाळाचं स्वागत करण्यासाठी सज्ज आहे. तुम्हाला ही बातमी सांगताना आम्हाला खूप आनंद होत आहे. तुमचं प्रेम असेच कायम राहुद्या". 

उपासनाच्या पोस्टने वेधलेलं चाहत्यांचं लक्ष

2023 च्या सुरुवातीला मदर्स डे निमित्त उपासनाने एक खास पोस्ट शेअर केली होती. तिच्या या पोस्टने सर्वांचं लक्ष वेधून घेतलं होतं. तिने लिहिलेलं,"आई होत असल्याचा मला अभिमान आहे. जेव्हा मी एका बाळाचा सांभाळ करू शकते, असं मला वाटलं तेव्हाच मी आई होण्याचा निर्णय घेतला". 

2023 हे वर्ष राम चरणसाठी खूपच खास आहे. यावर्षाच्या सुरुवातीलाचा राम चरणला 'आरआरआर' (RRR) सिनेमासाठी आंतरराष्ट्रीय पातळीवर अनेक पुरस्कारांनी सन्मानित करण्यात आले आहे. राम चरणचा 'द इंडिया हाऊस' (The India House) हा सिनेमा लवकरच प्रेक्षकांच्या भेटीला येणार आहे. तसेच त्याचा 'गेम चेंजर' हा सिनेमादेखील प्रेक्षकांच्या भेटीसाठी सज्ज आहे. 

संबंधित बातम्या