Vaishnavi Hagawane death : 'तू फालतू अन् घाणेरडी, तुझी सगळीकडे बदनामी करते…', वैष्णवी हगवणेची ऑडिओ क्लिप समोर, मैत्रिणीला सासरचा त्रास सांगताना काय काय म्हणाली?
Vaishnavi Hagawane death : आता ही चूक सुधारण्यासाठी वडील माझी साथ देणार आहेत, लवकरचं मी घटस्फोट घेणार आहे, असं वैष्णवीने मैत्रिणीकडे सांगितलं होतं, पण तत्पूर्वीच वैष्णवीवर टोकाचं पाऊल उचलण्याची वेळ आली, या घटनेनं सर्वत्र हळहळ व्यक्त होत आहे.
पिंपरी: सासरच्या मानसिक आणि शारिरीक त्रासाला कंटाळून वैष्णवी शशांक हगवणे (वय 23) हिने राहत्या घरात गळफास घेऊन आत्महत्या केली आहे. याप्रकरणी वैष्णवीचा पती शशांक राजेंद्र हगवणे, सासू लता राजेंद्र हगवणे, नणंद करिश्मा राजेंद्र हगवणे यांना मृत्यूस कारणीभूत ठरल्याप्रकरणी अटक केली आहे. सासरा राजेंद्र तुकाराम हगवणे व दीर सुशील राजेंद्र हगवणे हे फरार असून, त्यांच्या तपासासाठी पोलिसांची चार पथके रवाना करण्यात आली आहेत. दरम्यान वैष्णवी हगवणे हिने तिला नेमका काय जाच झाला हे स्वतःचं एका मैत्रिणीकडे सांगितलं होतं. त्याची ऑडिओ क्लिप एबीपी माझाच्या हाती लागली आहे. आई-वडिलांना विरोध करुन शशांक सोबत प्रेम विवाह केला, ही माझी आयुष्यातील मोठी चूक होती. आता ही चूक सुधारण्यासाठी वडील माझी साथ देणार आहेत, लवकरचं मी घटस्फोट घेणार आहे, असं वैष्णवीने मैत्रिणीकडे सांगितलं होतं, पण तत्पूर्वीच वैष्णवीवर टोकाचं पाऊल उचलण्याची वेळ आली, या घटनेनं सर्वत्र हळहळ व्यक्त होत आहे.
वैष्णवी हगवणे हिने तिच्या मैत्रिणीसोबत सोशल मिडियावरील संभाषणाची ऑडिओ क्लिप आता समोर आली आहे. या ऑडिओ क्लिपमध्ये वैष्णवी हगवणे या मैत्रिणीला सासरच्यांकडून अमानुष छळ सुरु असल्याचं सांगताना समजत आहे. पण ही ऑडिओ क्लिप सध्या सोशल मीडियावर देखील व्हायरल होत आहे. सासरच्या मंडळीकडून आपला अमानुष छळ होतोय. याबद्दल वैष्णवी यांनी आपल्या मैत्रिणीशी चॅट केलं होतं. आपण सगळ्यांना विरोध करून लग्न केलं. पण हीच आपली मोठी चूक झाल्याचं वैष्णवी मैत्रिणीला सांगत होती. वैष्णवीने आपल्या मैत्रिणीसोबत चॅट केलं आहे. या चॅट दरम्यान तिने व्हॉईस मेसेज पाठवलेले आहेत. त्याच व्हॉईस मेसेजची ऑडिओ क्लिप आता मोठ्या प्रमाणावर व्हायरल झाली आहे.
तुझी सगळीकडे बदनामी करते
वैष्णवीने आपल्या मैत्रिणीला सांगताना म्हणते, “ कामवालीचं मॅटर झालं, तिची लफडी बाहेर आली अन् मला मारलं, मला पिंकी ताई म्हणाली मी तुझी सगळीकडे बदनामी करते. काय केलं काय नाही ते सगळं सांगते. मला म्हणाली की तुझ्या सगळ्या मैत्रिणींना सांगते. शशांकसोबतही तू कधी लॉयल नव्हती, असं मला पिंकी ताई म्हणाली. तू फालतू आहे तू घणेरडी आहे, असं म्हणत होती.”, असं या ऑडिओमध्ये ऐकायला मिळत आहे. 'मला खूप वाईट वाटत आहे. माझा नवराच माझा कधी झाला नाही. सासू-सासरे यांचं तर तसंच वागणं असतं. मी सगळ्यांना विरोध करून लग्न केलं. इथंच माझी चूक झाली. मी त्या घरात जाऊन चूक केली असंही ती पुढे म्हणते.
मी त्या माणसाला घटस्फोट देणार
तसेच, मला मारताना दाजी बघत होते. त्यानंतर त्यांनी पण माझ्यावर हात उचलला. विशेष म्हणजे दाजींनाही ते खरं वाटलं आहे. त्यामुळे मी त्या माणसाला घटस्फोट देणार आहे. मी पप्पांना हे सांगितलं आहे. आपण त्यावर विचार करू, असं मला पप्पांनी सांगितलं आहे, असंही वैष्णवीच्या ऑडिओ क्लिपमध्ये म्हणते.
वैष्णवी मेसेजमध्ये काय-काय म्हणाली?
वैष्णवी: तेच कामवालीचं मॅटर… तिची लफडी बाहेर आली… मावशीने मला बरंच सांगितलं होतं फॅमिलीबद्दल… त्यांचं असं म्हणणं होतं की मी त्यांना साथ दिली बोलू लागयाला आणि मी वाटोळं केलं घराचंय… पण माझा काही संबंधच नव्हता… मी आलीये माहेरी, माझे वडील खूप चिडले आहेत सगळे.
मैत्रीण: पण तुझी काय चुकी यामध्ये… तुझा तर काहीच रोल नाही?
वैष्णवी: मी वैतागले खूप.
मैत्रीण: कोणी मारलं आणि तुला?
वैष्णवी: पिंकीने.
मैत्रीण: अगं, पण एवढं कोणी मारतं का गं असं?
वैष्णवी: माझ्यावरती पण आरोप करायला लागली.
वैष्णवी: मला म्हणते, आता तुझी इकडे सगळीकडे बदनामी करते. तू जे केलं आहे किंवा नाही केलंय, म्हणजे इकडे वाकडला तुझ्या सगळ्या मैत्रिणींना सांगते की, तू कसली घाणेरडी आहे. घराच्या वाटोळे करते. पती शशांकसोबतही तू कधी लॉयल नव्हतीस. असं तसं. म्हणे, तू फाल्तू आहे, घाणेरडी आहे, घाण घाण शिव्या द्यायला लागली. पप्पांना-मम्मींना काहीही बोलायला लागली. नुसतं, अगं काय सांगू तुला. पप्पा बसले होते म्हणून मला तुझ्याशी बोलता आलं नाही.
वैष्णवी: मला मारताना तुझे दाजी (वैष्णवीचा पती) बघत होते. त्यानंतर त्यांनीही माझ्यावर हात उचलला. हे त्यानाही खरं वाटलेलं आहे. त्यामुळे मी आता ठरवलेलं आहे की, मी त्या माणसाला डिव्होस देणार. मी पप्पांना सांगितलं आहे. पप्पा म्हणाले की, आपण त्यावर विचार करुया.
वैष्णवी: मला मारताना तुझे दाजी (वैष्णवीचा पती) बघत होते. त्यानंतर त्यांनीही माझ्यावर हात उचलला. हे त्यानाही खरं वाटलेलं आहे. त्यामुळे मी आता ठरवलेलं आहे की, मी त्या माणसाला डिव्होस देणार. मी पप्पांना सांगितलं आहे. पप्पा म्हणाले की, आपण त्यावर विचार करुया.
महत्त्वाच्या बातम्या
