पुण्यात कार चालकावर हेल्मेटसक्तीची कारवाई
पुणे शहरात 1 जानेवारीपासून दुचाकी चालकांना हेल्मेटसक्ती लागू झाली असून कारवाई तीव्र करण्यात आली आहे. पुणेकरांचा विरोध होत असतानाच वाहतूक पोलिसांचा हा कारभार पुढे आला आहे. त्यामुळे पुणेकरांमध्ये संभ्रम निर्माण झाला आहे.
पुणे : पुण्यात वाहतूक पोलिसांनी हेल्मेट सक्तीची कारवाई भलतीच मनावर घेतली आहे. हेल्मेट न घालणाऱ्या चारचाकी किंवा रिक्षा चालकांनाही पोलीस सोडत नाहीत, असंच म्हणावं लागेल. कारण आधी रिक्षाचालक आणि आता चारचाकी चालकाला हेल्मेट न घातल्याबद्दल पोलिसांना दंड ठोठावला आहे.
पुणे वाहतूक पोलिसांनी पुण्यातील प्रसाद तुळजापूरकर नावाच्या व्यक्तीवर हेल्मेट न घातल्याबद्दल दंडात्मक कारवाई केली आहे. मात्र हा दंड चारचाकी चालवताना हेल्मेट न घातल्याबद्दल ठोठावण्यात आला आहे. दंडाच्या पावतीवर प्रसाद तुळजापूरकर यांचं नाव आणि गाडीचा नंबरही देण्यात आला आहे.
प्रसाद तुळजापूरकर यांना 500 रुपयांचा दंड ठोठावण्यात आला आहे. त्यांच्या मोबाईलवर पाठवण्यात आलेल्या चलानवर हेल्मेट न घातल्याप्रकरणी कारवाई करण्यात आल्याचं नमूद करण्यात आलं आहेत. याशिवाय त्यांच्या चारचाकी गाडीचा नंबरही त्यामध्ये लिहिण्यात आला आहे.
पुणे शहरात 1 जानेवारीपासून दुचाकी चालकांना हेल्मेटसक्ती लागू झाली असून कारवाई तीव्र करण्यात आली आहे. पुणेकरांचा विरोध होत असतानाच वाहतूक पोलिसांचा हा कारभार पुढे आला आहे. त्यामुळे पुणेकरांमध्ये संभ्रम निर्माण झाला आहे.
पुणे शहरात दररोज आठ ते दहा हजार लोकांवर हेल्मेट न घातल्याची कारवाई केली जात आहे. अनेक संघटना आणि पुणेकर या हेल्मेट सक्तीला विरोध करत आहेत. यामध्ये वाहतूक शाखेचा हा एक नवीन गोंधळ समोर आला आहे.
संबंधित बातमी
महत्त्वाच्या बातम्या
