Baramati Firing : बारामतीत गोळीबाराचा थरार! खंडणीसाठी बांधकाम व्यावसायिकाच्या कारवर झाडल्या गोळ्या; 3 हल्लेखोर CCTV मध्ये कैद
Baramati MIDC Builder Firing Rajan Kolekar: व्यावसायिक राजन कोळेकर यांच्याकडे इन्स्टाग्राम कॉलद्वारे 2 लाख रुपयांची खंडणी मागितल्यानंतर, सायंकाळी अज्ञात हल्लेखोरांनी दोन राऊंड फायर केल्याची घटना घडली.

Baramati Firing Case Extortion : राजकीयदृष्ट्या अत्यंत संवेदनशील असलेल्या बारामती शहरात गोळीबाराच्या घटनेने मोठी खळबळ उडाली आहे. बारामती एमआयडीसी (Baramati MIDC) परिसरातील बांधकाम व्यावसायिक राजन कोळेकर (Rajan Kolekar) यांच्या गाडीवर शनिवारी सायंकाळी सहा वाजण्याच्या सुमारास अज्ञात हल्लेखोरांनी गोळीबार केला. या घटनेत सुदैवाने कोणालाही दुखापत झाली नसून मोठी जीवितहानी टळली आहे. मात्र या प्रकारामुळे बारामतीतील कायदा आणि सुव्यवस्थेवर पुन्हा एकदा गंभीर प्रश्नचिन्ह उपस्थित केले जात आहे.
Instagram Extortion Call Baramati Firing : इन्स्टाग्रामवर मागितली 2 लाखांची खंडणी
या थरारक घटनेबाबत समोर आलेली प्राथमिक माहिती अत्यंत धक्कादायक आहे. शनिवारी दुपारी राजन कोळेकर यांना इन्स्टाग्रामच्या (Instagram) माध्यमातून अज्ञात व्यक्तींनी कॉल केला होता. या कॉलद्वारे त्यांच्याकडे 2 लाख रुपयांची खंडणी मागण्यात आल्याची माहिती समोर आली आहे.
दुपारच्या धमकीनंतर सायंकाळी सहा वाजण्याच्या सुमारास अज्ञात हल्लेखोरांनी थेट कोळेकर यांच्या घराजवळ धाव घेतली. घराचे गेट उघडून त्यांनी कोळेकर यांच्या गाडीच्या दिशेने दोन राऊंड फायर केले आणि तिथून पळ काढला.
Baramati Police Investigation CCTV : तीन संशयित हल्लेखोर सीसीटीव्हीत कैद
या घटनेची माहिती मिळताच बारामती पोलिसांनी (Baramati Taluka Police) तात्काळ घटनास्थळी धाव घेत तपास सुरू केला आहे. घटनास्थळी फॉरेन्सिक टीमला (Forensic Team) पाचारण करण्यात आले असून, पोलिसांकडून गोळीबाराचे पुरावे गोळा केले जात आहेत.
दरम्यान, परिसरातील सीसीटीव्ही (CCTV) फुटेज तपासले असता, त्यामध्ये तीन अज्ञात हल्लेखोर घटनास्थळावरून पळून जाताना स्पष्टपणे दिसत आहेत. हे हल्लेखोर नेमके कोण आहेत, त्यांचा उद्देश काय होता आणि खंडणीच्या कॉलशी या गोळीबाराचा थेट संबंध आहे का, याचा सखोल तपास पोलीस करत आहेत. बारामतीमध्ये सातत्याने घडणाऱ्या अशा गुन्हेगारी घटनांमुळे नागरिकांमध्ये भीतीचे वातावरण निर्माण झाले आहे.
ही बातमी वाचा :
Before You Go
Kurla Phoenix Mall Mumbai Crime News: पैसे मागितले, काही उर्दुमध्ये बोलत होते; कुर्ला तरुण-तरुणी मारहाण प्रकरणावर प्रत्यक्षदर्शी महिलेची धक्कादायक माहिती, VIDEO





















