Sharad Pawar : भाऊबीजेसाठी सुप्रिया सुळे अजित पवारांकडे पोहचल्या; शरद पवार काटेवाडीत जाणार का?

Supriya Sule Bhaubij Celebration : भाऊबीजेनिमित्त सुप्रिया सुळे अजित पवारांच्या निवासस्थानी काटेवाडीत जाणार असल्याची माहिती आहे. शरद पवारही काटेवाडीत जाणार का? असा प्रश्न उपस्थित होत आहे.

Sharad Pawar Ajit Pawar Bhaubij

पुणे : पवार कुटुंबियांच्या यंदाच्या दिवाळीकडे राज्याचं लक्ष आहे. भाऊबीजेनिमित्त (Bhaubij Celebration) सुप्रिया सुळे (Supriya Sule) अजित पवारांच्या (Ajit Pawar) काटेवाडीत (Katewadi) जाणार असल्याची माहिती आहे. मात्र त्याच वेळी शरद पवार (Sharad Pawar) अजित पवारांच्या निवासस्थानी भाऊबीज साजरी करण्यासाठी जाणार का? असा प्रश्न पडला आहे. प्रतिभा पवार गोविंद बागेतून (Govind Baug) काटेवाडीच्या दिशेने रवाना झाल्या आहेत. पण, त्याच वेळी शरद पवार शेतकऱ्यांच्या बांधावर असणार आहेत. शरद पवार त्यांच्या नियोजित दौऱ्यानंतर काटेवाडीत जाऊन भाऊबीज साजरी करणार का, हे पाहणं महत्वाचं ठरणार आहे.

अजित पवार, जय पवार, सुप्रिया सुळे, प्रतिभा पवार, पार्थ पवार, शर्मिला पवार, श्रीनिवास पवार, अजित पवारांच्या दोन बहिणी, रणजित पवार, जयंत पवार अजित पवारांच्या निवासस्थानी भाऊबीजेनिमित्त एकत्र आले आहेत. यंदा पवार कुटुंबियांच्या भाऊबीजेकडे राज्याचं लक्ष आहे. मात्र, भाऊबीजेनिमित्त शरद पवारांची काटेवाडीत हजेरी महत्वाची असणार आहे. त्यामुळे संपूर्ण पवार कुटुंब एकत्र असताना आता शरद पवारांची प्रतीक्षा आहे. 

अजित पवार गोविंदबागेत गेले, शरद पवार काटेवाडीत जाणार का?

राष्ट्रवादीत फूट पडल्यानंतर पवार कुटुंबियांची ही पहिलीच दिवाळी आहे. त्यामुळे पवार कुटुंब दिवाळी नेमकी कशी साजरी करतं, याकडे सर्व राजकीय क्षेत्राचं लक्ष लागलं होतं. दिवाळीत अजित पवार कुटुंबातील दिवाळीत सामील होणार का? असा प्रश्न पडला होता. सुप्रिया सुळेंनी धनत्रयोदशीला प्रतापराव पवार यांच्या पुण्यातील घरी झालेल्या छोटेखाणी दावतमध्ये मतभेत आहेत. मात्र, कुटुंब म्हणून एकत्र आहोत, अस वक्तव्य केलं होतं. त्या छोटेखाणी दावतमध्ये अजित पवार, सुनेत्रा पवारदेखील उपस्थित होत्या. काल पाडव्यानिमित्त अजित पवार गोविंद बागेत जाणार का? यावरुन चर्चा रंगली असतानाच सुप्रिया सुळेंनी रात्री पोस्ट केलेल्या फोटोतून या सगळ्या चर्चांना पूर्णविराम मिळाला. त्यांनी रात्री पोस्ट केलेल्या फोटोत अजित पवार थेट शरद पवारांच्या मागे दिसून आले. त्यामुळे कितीही मतभेद असले तरी पवार कुटुंबीय एकत्र असल्याचं या फोटोवरुन स्पष्ट होतं. 

काटेवाडीत जाणार का?

दरम्यान, या सगळ्यानंतर आज संपूर्ण पवार कुटुंब भाऊबीज साजरी करण्यासाठी काटेवाडीतील अजित पवारांच्या निवासस्थानी जाणार आहे. त्यामधील अनेक सदस्य काटेवाडीत पोहचले आहेत. मात्र, शरद पवार हे बारामती तालुक्यातील पणदरे येथे शेतकऱ्याच्या बांधावर जाणार आहे. काही दिवसांपूर्वी संजय जगताप या शेतकऱ्याने एकरी 137 टन उत्पादन घेतले होते, त्या शेतकऱ्याच्या बांधावर शरद पवार जाणार आहेत.

महत्वाच्या इतर बातम्या ;