पुणे ग्रामीणचे पोलीस हवालदार विष्णू केमदारणे चिठ्ठी लिहून बेपत्ता, 2 पोलीसांवर केले गंभीर आरोप 

पुणे ग्रामीण पोलीस (Pune Rural Police) दलातील कर्मचारी पोलीस हवालदार विष्णू केमदारणे (Vishnu Kemdarne) हे आज सकाळी पहाटेपासून इंदापूर पोलिस ठाण्याच्या शासकीय वसाहतीतून बेपत्ता झाले आहेत.

Pune Rural Police Constable Vishnu Kemdarne

Source : Getty Images

पुणे : पुणे ग्रामीण पोलीस (Pune Rural Police) दलातील कर्मचारी पोलीस हवालदार विष्णू केमदारणे (Vishnu Kemdarne) हे आज सकाळी पहाटेपासून इंदापूर पोलिस ठाण्याच्या शासकीय वसाहतीतून बेपत्ता झाले आहेत. केमदारणे यांनी लिहिलेली एक चिठ्ठी समोर आली आहे. या चिठ्ठीतून त्यांनी इंदापूर पोलीस ठाण्याचे पोलीस निरीक्षक सूर्यकांत कोकणे यांच्यासह अन्य दोन पोलीस कर्मचाऱ्यांवर गंभीर आरोप केले आहेत. 

विष्णू केमदारणे यांनी लिहलेल्या चिठ्ठीत नेमकं काय?

मागील दोन महिन्यांपासून पोलीस निरीक्षक सूर्यकांत कोकणे यांनी पोलीस हवालदार रासकर आणि पोलीस कॉन्स्टेबल सूर्यवंशी यांच्या सांगण्यावरून जीवे मारण्याची धमकी दिली आहे. तुझी नोकरी व यापुढील आयुष्य हे उध्वस्त करून टाकेल, अशी भाषा वापरून मला जीवे मारण्याची धमकी दिली आहे असं या चिठ्ठीत लिहिलेलं आहे. विष्णू केमदारणे यांनी त्यांच्या पत्नीच्या मोबाईलवर एक कॉल रेकॉर्डिंग ऑडिओ देखील पाठवलेला आहे. माझ्या या अवस्थेला होणाऱ्या परिणामांना पोलीस निरीक्षक सूर्यकांत कोकणे हेच जबाबदार आहेत असंही या चिठ्ठीमध्ये लिहिण्यात आलं आहे. या संपूर्ण खळबळजनक घटनेनंतर इंदापूर पोलीस ठाण्यात विष्णू केमदारणे यांच्या पत्नी प्रियंका केमदारणे यांनी आपले पती हरवल्याची तक्रार देखील दाखल केली असून पोलीस निरीक्षक सूर्यकांत कोकणे यांना सवाल उपस्थित केला आहे. खात्या व्यतिरिक्त तुम्ही माझ्या पतीला वैयक्तिक धमकी का देताय? माझ्या पतीला न्याय मिळाला पाहिजे अन्यथा मी माझ्या मुलाबाळांसह इंदापूर पोलीस ठाण्यासमोर आत्महत्या करेल असा इशाराही दिला आहे.

हवालदार विष्णू केमदारणे यांच्या शोधकामी पोलिस पथक तयार करण्यात आल्याची माहिती उपविभागीय पोलीस अधिकारी सुदर्शन राठोड यांनी दिली आहे. चिठ्ठीद्वारे केलेल्या आरोपांची वरिष्ठ कार्यालयाकडून चौकशी होणार आहे. पुण्याच्या इंदापुरातून पोलीस हवालदार विष्णू केमदारणे हे आज सकाळी पहाटेपासून बेपत्ता झालेत. केमदारणे यांनी एक चिठ्ठी लिहून ठेवली असून या चक्कीतून वरिष्ठ पोलीस अधिकाऱ्यांवर त्यांनी जीवे मारण्याची धमकी दिल्याचा आरोप केलाय. या संदर्भात उपविभागीय पोलीस अधिकारी सुदर्शन राठोड यांनी प्रतिक्रिया दिली असून संबंधित पोलीस कर्मचाऱ्यांच्या पत्नीची तक्रार दाखल करून घेतली आहे. पोलीस खात्याकडून या संबंधित कर्मचाऱ्यांचा शोध घेतला जात असून त्या कमी पोलीस पथक तयार करण्यात आले आहे. चिठ्ठीमध्ये केमदारणे यांनी जे आरोप केले आहेत त्या आरोपांची वरिष्ठ कार्यालयाकडून चौकशी केली जाईल आणि त्या पद्धतीचा अहवाल कार्यालयाला पाठवला जाईल अस उपविभागीय पोलीस अधिकाऱ्यांनी म्हटलं आहे.

महत्वाच्या बातम्या: