Pune Accident: आमदार ज्ञानेश्वर कटकेंची मर्सिडीज कार चार वर्षांच्या मुलीला धडकली; चिमुकली चेंडूसारखी उडाली, प्रकृती गंभीर
Pune Accident: शिरूर नगर परिषदेच्या प्रचारासाठी पुण्याकडून शिरूरकडे निघालेल्या आमदार ज्ञानेश्वर कटके यांच्या भरधाव कारने 4 वर्षीय बालिकेला जोरदार धडक दिली.
Pune Accident पुणे: शिरूर नगर परिषदेच्या प्रचारासाठी पुण्याकडून शिरूरकडे निघालेल्या आमदार ज्ञानेश्वर कटके (Dnyaneshwar Katke) यांच्या भरधाव कारने 4 वर्षीय बालिकेला जोरदार धडक (Pune Accident) दिल्याची घटना रविवारी (30 नोव्हेंबर) दुपारी शिरूरच्या बोऱ्हाडेमळा येथे पुणे-अहिल्यानगर महामार्गावर घडली. यातील जखमी बालिकेची प्रकृती गंभीर आहे. शुभ्रा पंढरीनाथ बोऱ्हाडे (वय 4) असे या अपघातात गंभीर जखमी झालेल्या बालिकेचे नाव आहे. महत्वाचे म्हणजे शुभ्रा पंढरीनाथ बोऱ्हाडे ही एकटीच रस्ता ओलंडत होती. त्यामुळे तिचे पालक यादरम्यान कुठे होते?, असा प्रश्नही उपस्थित होत आहे.
आमदार ज्ञानेश्वर कटके हे वाघोली येथून शिरूर नगरपरिषदेच्या प्रचारासाठी रविवारी दुपारी शिरूर येथे येत होते. बोऱ्हाडे मळा येथील हुंदाई शोरूम समोर शुभ्रा बोऱ्हाडे ही चार वर्षीय बालिका महामार्ग ओलांडत होती. एका कारच्या आडून ती अचानक आमदार ज्ञानेश्वर कटके यांच्या काळ्या रंगाच्या मर्सिडीज कार (क्र. एमएच१२, एनएक्स १३९१) समोर आली. ज्ञानेश्वर कटके यांच्या चालकाने जोरदार ब्रेक दाबला. परंतु गाडीच्या वेगामुळे शुभ्राला समोरासमोर जोराची धडक बसली. यात ती चेंडूसारखी उडून काही फुट अंतरावर डांबरी रस्त्यावर पडली. यात तिला गंभीर जखमी झाली. आमदार ज्ञानेश्वर कटके व त्यांच्या कार्यकर्त्यांनी कारमधून खाली धाव घेत शुभ्रा हिला मदत करत उचलले आणि त्यांच्याच कारमधून हॉस्पिटलमध्ये दाखल केले. तिची प्रकृती गंभीर असल्याने तिला पुढील उपचारासाठी पुणे येथे हलवण्यात आले.
चिमुकली चेंडूसारखी उडाली, प्रकृती गंभीर, VIDEO:
ही बातमीही वाचा:
महत्त्वाच्या बातम्या
